齒留香

Open Now

Now Closed

睇左一條youtube片，果籽介紹一個衝出街市開燒味茶餐廳嘅招積老闆，自稱叉燒No. 1, 咁自信嘅態度燃起左我條叉燒癮，一於去試試。近中午時間，一到門口已經見到7,8人在輪候，好在只是等外賣，我一入就有位，但就係一張4人枱已有兩位大叔嘅搭枱位，我個人習慣搭枱冇問題，問題在於枱太細，我一坐下就已經對面隔離同自己都唔舒服想走人嘅感覺，加上走廊一地都係碎屑唔太整潔，環境上一定要扣分，因為差過一般茶記。講返嘢食，招牌一定係叉燒啦，個人因為貪心，叫左"豪得起四寶飯", 一次過試晒想試嘅叉燒，燒鵝同乳豬。份量見到每樣幾舊咁啦，98蚊想有幾多，但係就咁，明明餐牌寫乳豬就變左燒肉，我問待應阿姐，就得一句冇晒乳豬，喂，冇乳豬要同我講得架，換左燒肉就唔係咁嘅價錢啦。試返個燒味個味道，叉燒，係如片中所講肥瘦適中，邊有少少黑左嘅焦，係正嘅。燒鵝，全部冇肉得塊皮，皮下油都冇乜，所以好差，四寶飯分d骨比我，唔太掂，比一舊有肥有肉嘅都好過果幾舊骨啦，感覺被敷衍了。燒肉，皮脆，肉有帶肥花嘅一段，夠淋滑，係好食嘅。薰蹄就一般貨色冇特別。另外送個湯都幾特別，係有一大塊燒豬皮嘅清湯，少少甜味幾特別。總結黎講就氣氛好舊街市