佛手柑素食 (Closed)

去開太子果邊，記起有依間「佛手柑素食」，之前見有人share過佢既海南雞飯賣相都唔錯，就決定去試下啦。坐低睇menu發現海南雞飯唔係vegan的，好失望跟住諗住食車仔麵，點知都冇，不過既然坐低左，都揀啲野黎食啦。素蝦雲吞炸得好脆，塊皮略嫌梘水味比較重，食到啲澀味，好彩有啲酸甜汁中和下。馬來咖喱雜菜可以揀配唔同配料，我地就揀左鮮竹粒。個咖喱汁都幾稀，唔知係咪馬來特色，但味道都尚算唔錯。加錢改配黃金酥餅，都係不過不失咁啦，當家常便飯咁食就ok。鋪內生意唔算好，老闆娘走左去觀音像面前拜拜，話希望有多7-8枱客，之後神奇既事就發生左。老闆娘拜完觀音後，就突然係咁有客入黎，堂食同外賣都有，真係叫人嘖嘖稱奇。