Video
Read full review
2021-12-14
1013 views
今次嚟到呢間位於茘枝角道嘅小漁港食海鮮蒸氣鍋。訂咗20:30 餐廳仍然人山人海，想食真係要預早訂枱先得。我哋叫咗個海鮮蒸鍋$298位嘅套餐。▪️刺身併盤一入座就先嚟過刺身，有厚切三文魚腩、帶子、北寄貝、油甘魚、甜蝦。刺身全部都好新鮮😋😋。▪️避風塘鮮魷食完刺身就嚟過小食，避風塘鮮魷，鮮魷本身新鮮，食起上嚟都好彈牙，配上避風塘就夠晒惹味。食完刺身，小食，就準備食蒸鍋喇。順序～▪️鮑魚 - 鮑魚好彈牙，唔會好韌。▪️海蝦 - 蝦夠新鮮，爽口彈牙，好鮮甜。▪️扇貝 - 蒸嘅時間啱啱好，唔會韌。上面有蒜蓉粉絲，一齊食好正。▪️馬友 - 蒸得好滑，食嘅時候要小心少少，會有細骨。▪️青口 - 好鮮呀，入口好鮮甜仲好多汁。▪️卜卜蜆 - 好有海水味，夠鮮，隻隻都冇沙。▪️聖子 - 呢個不得了，大大隻，咬落勁鮮甜勁爽口，冇得輸。▪️班馬瀨尿蝦 - 好大隻瀨尿蝦，絕對長過我隻手板😂，放入熱鍋就即刻喺度掙扎，好鬼生猛，大大隻，啖啖肉，勁鮮甜，又係冇得輸😂▪️大肉蟹 - 蟹有兩隻，蟹蓋就預先放咗入粥底度。主要食多肉嘅蟹腳蟹蚶，一樣咁新鮮有鮮味。▪️蟲草花蒸雞烏冬底雞有雞味㗎，烏冬掛滿雞汁好夠味；另外仲有南瓜、粟米、芋頭、番薯仔、絲
我哋叫咗個海鮮蒸鍋$298位嘅套餐。
▪️刺身併盤
一入座就先嚟過刺身，有厚切三文魚腩、帶子、北寄貝、油甘魚、甜蝦。刺身全部都好新鮮😋😋。
▪️避風塘鮮魷
食完刺身就嚟過小食，避風塘鮮魷，鮮魷本身新鮮，食起上嚟都好彈牙，配上避風塘就夠晒惹味。
食完刺身，小食，就準備食蒸鍋喇。
順序～
▪️鮑魚 - 鮑魚好彈牙，唔會好韌。
▪️海蝦 - 蝦夠新鮮，爽口彈牙，好鮮甜。
▪️扇貝 - 蒸嘅時間啱啱好，唔會韌。上面有蒜蓉粉絲，一齊食好正。
▪️馬友 - 蒸得好滑，食嘅時候要小心少少，會有細骨。
▪️青口 - 好鮮呀，入口好鮮甜仲好多汁。
▪️卜卜蜆 - 好有海水味，夠鮮，隻隻都冇沙。
▪️聖子 - 呢個不得了，大大隻，咬落勁鮮甜勁爽口，冇得輸。
▪️班馬瀨尿蝦 - 好大隻瀨尿蝦，絕對長過我隻手板😂，放入熱鍋就即刻喺度掙扎，好鬼生猛，大大隻，啖啖肉，勁鮮甜，又係冇得輸😂
▪️大肉蟹 - 蟹有兩隻，蟹蓋就預先放咗入粥底度。主要食多肉嘅蟹腳蟹蚶，一樣咁新鮮有鮮味。
▪️蟲草花蒸雞烏冬底
雞有雞味㗎，烏冬掛滿雞汁好夠味；另外
仲有南瓜、粟米、芋頭、番薯仔、絲瓜等⋯食到呢個時候，大家都已經覺得飽。
▪️粥底
有兩隻有膏嘅蟹蓋，加埋瑤柱、排骨，仲有好多其他海鮮嘅汁，夠晒鮮甜，明明已經好飽但都要即時整返碗，最後真係食唔晒，仲可以打包到兩個外賣碗(滿）。
總結：
海鮮絕對夠新鮮，樣樣控制嘅時間都好好，店員全程落手落腳幫你，仲幫你擺到靚一靚俾你影相，係差在幫你剝埋殼咋🤣呢度真係好值得再嚟。
Post
