Royal Delights (Closed)

如果你有睇過我嘅食評，都知道帝港集團嘅甜品又靚又好食，前排知道佢喺Mikiki商場開左新店Royal Delight，第一時間去支持。 呢間分店除咗有色彩繽紛嘅蛋糕甜品，仲有其他飲品三文治賣，一如帝港經常推出嘅鬼馬蛋糕系列，呢度都會搵到，當日選左伯爵茶麵湯，廚神鮑魚紅腸煎蛋飯，全部嘅賣相真係同真嘅一樣，我自己就係最鍾意伯爵茶麵湯，唔甜又勁有伯爵茶香。 另外有健康蛋糕系列，例如當日食左純素紅桑子朱古力撻，無添加糖草莓千層酥，無添加糖有機豆乳忌廉蛋糕，師傅特登用咗無糖朱古力，而且仲用左羅漢果糖代替砂糖來製作酥餅內嘅香草忌廉，非常大膽創新，對於怕甜又要戒糖嘅呢你係一個好大嘅喜訊，當日食嘅呢幾件都非常唔錯，特別係有機豆乳忌廉蛋糕唔會好似平時食完忌廉後令到撐到好飽。 最重要呢度嘅產品非常之多而且一定唔會有啱心水，節日送禮自用一流，經過九龍東嘅就去下啦。 Royal Delights 新蒲崗太子道東街638號Mikiki1樓137號舖