Running 燒 (Closed)

放假去左將軍澳睇戲兼行街，行到肚仔餓，去左Popfood度搵餐廳醫肚，見到哩間Running 韓式燒烤餐廳自助燒都幾吸引。入面地方都幾寬落，雖然係燒烤餐廳，但無咩油煙味。坐低左之後，店員放低張單比你掃QR code自行落單，每款食物都有5、6款選擇，牛肋骨、牛脷、豚肉、魷魚、生蠔、帶子、羊肉樣樣都有。行兩步就有個自助區，熟食、飲品、甜品、調味醬汁、蔬菜等都可以係果度搵到。介紹下有咩調味醬汁可以配搭先：燒肉汁、韓式辣醬、甜酸烤肉醬、鹽醬、大醬仲有蒜蓉比你任畢。喜歡吃牛肉的我每款牛都叫左兩件，D肉望落鮮紅色，下面無血水，感覺都幾新鮮。燒好後浸落甜酸烤肉醬中，食落唔會乾淨淨，酸酸甜甜更加開胃。食韓國菜最喜歡點年糕食，哩度都有款年糕湯，用傳統大海帶加豆芽一起煮，滿足食韓國菜必食既人心理。食完肉就叫左海鮮燒，哩度既帶子粒粒都好厚身，屬於中型size，食落啖啖肉同嫩口。食完仲有時間，嘆埋甜品同雪條先走。