Video
Read full review
2014-01-02
237 views
已經到過這間太興用餐無數次，每次總有不滿意的地方。新年流流，一家人打算去太興食晏，本來已預計要等位，黎到時竟然可立即入座，正深感幸運之制，原來是要我們搭枱，派位的服務員完全沒有事先同我哋講，結果父親大人當然不悅，於是我們再等咗約10分鐘，終於有位時又要我哋入房坐，兩旁明明就有四人卡座，派位安排非常差，完全冇系統可言。 點餐果陣舉座手好耐都沒人理，周圍有好多侍應行過都無人理我哋，後來服務員送飲品態度又無禮貌，就咁劈低飲管就算。大家都知道太興食物嘅價錢不嬲都唔平，食物質素其實亦都好一般。父親大人要咗個餐蛋麵，味道普通。母親大人嗌咗個雪菜肉絲面配多士炒蛋，碗面只有條肉絲 ，我知而家食材貴咗，但係洗唔洗少到咁？－。－個多士炒蛋味道就唔錯嘅，炒蛋好滑，但係成個餐價錢唔值啦真係。細佬食明爐燒鵝飯，太興最出名係燒味，但係最唔抵食都係燒味，嗌飯成日都淨係俾晒啲脫皮／骨／肥膏嘅部位。我就嗌咗最鐘意食嘅西多士，唔記得咗幾多錢啦，不過多是確實係幾好食嘅，西多士煎到金黃色，皮脆脆地，入面就好軟熟，搽埋牛油同糖漿，好食！我同細佬都嗌咗杯柚子蜜飲，味道okay啦，都算多柚子下。總括嚟講食物又唔算係好差嘅，但係確實
每次總有不滿意的地方。
新年流流，一家人打算去太興食晏，本來已預計要等位，黎到時竟然可立即入座，正深感幸運之制，原來是要我們搭枱，派位的服務員完全沒有事先同我哋講，結果父親大人當然不悅，於是我們再等咗約10分鐘，終於有位時又要我哋入房坐，兩旁明明就有四人卡座，派位安排非常差，完全冇系統可言。
點餐果陣舉座手好耐都沒人理，周圍有好多侍應行過都無人理我哋，後來服務員送飲品態度又無禮貌，就咁劈低飲管就算。
大家都知道太興食物嘅價錢不嬲都唔平，食物質素其實亦都好一般。
父親大人要咗個餐蛋麵，味道普通。
母親大人嗌咗個雪菜肉絲面配多士炒蛋，碗面只有條肉絲 ，我知而家食材貴咗，但係洗唔洗少到咁？－。－
個多士炒蛋味道就唔錯嘅，炒蛋好滑，但係成個餐價錢唔值啦真係。
細佬食明爐燒鵝飯，太興最出名係燒味，但係最唔抵食都係燒味，嗌飯成日都淨係俾晒啲脫皮／骨／肥膏嘅部位。
我就嗌咗最鐘意食嘅西多士，唔記得咗幾多錢啦，不過多是確實係幾好食嘅，西多士煎到金黃色，皮脆脆地，入面就好軟熟，搽埋牛油同糖漿，好食！
我同細佬都嗌咗杯柚子蜜飲，味道okay啦，都算多柚子下。
總括嚟講食物又唔算係好差嘅，但係確實唔係好抵食喇，服務質素又唔好(已經唔係第一次),次次嚟都總會有唔滿意嘅地方，一家一致認同唔會再幫襯。
Post