Video
Read full review
2023-11-24
483 views
好耐冇寫食評，今次忍唔住要寫。之前已經聽過人吹奏呢間舖，咁啱嚟開呢頭做嘢就試下。食之前已經睇晒食評，見到好多人話格仔餅好食，仲見到有人話店主態度不知所謂，點知今次真係聞名不如見面。去到見到排長龍，排咗一陣聽到店主問有冇人係要格仔餅，見條隊有幾個人行出咗去，我都跟住行出去啦。我同店主講我都係要格仔餅嘅，佢就話冇啦要等啦，我就禮貌問佢我係咪而家返返去條隊度繼續排，佢就叫我返去條隊，話等陣會再叫我。呢個時候已經感覺到佢講嘢好呼喝。終於排到我，佢問我係咪要格仔餅，我就話我想要一底錫蘭紅茶格仔餅。呢個時候，店主反咗一下白眼，隔離嘅女店員就話我叫嘅時候要講埋咩味。下？乜我之前有叫過咩？你頭先話等陣會叫我嘛，我覺得我依家先係正式落order喎。就算真係溝通問題，都唔使喺客人面前反白眼掛？我同佢講係佢頭先叫我繼續排隊，話一陣會叫我，店主就用質問嘅語氣問我咁而家要原味O唔OK呀。我話唔OK。但係後面太多人，我選擇咗唔同佢繼續嘈。我企埋一邊等，見到佢兩個喺入面望住我係咁講嘢，似係繼續鬧緊我。咁樣做人唔辛苦咩？睇食評嗰陣見到有人話佢哋會捐錢，店主做善事嘅時候不如反省吓自己有冇同理心先啦，我禮貌同你講嘢，又冇
之前已經聽過人吹奏呢間舖，咁啱嚟開呢頭做嘢就試下。食之前已經睇晒食評，見到好多人話格仔餅好食，仲見到有人話店主態度不知所謂，點知今次真係聞名不如見面。
去到見到排長龍，排咗一陣聽到店主問有冇人係要格仔餅，見條隊有幾個人行出咗去，我都跟住行出去啦。我同店主講我都係要格仔餅嘅，佢就話冇啦要等啦，我就禮貌問佢我係咪而家返返去條隊度繼續排，佢就叫我返去條隊，話等陣會再叫我。呢個時候已經感覺到佢講嘢好呼喝。
終於排到我，佢問我係咪要格仔餅，我就話我想要一底錫蘭紅茶格仔餅。呢個時候，店主反咗一下白眼，隔離嘅女店員就話我叫嘅時候要講埋咩味。下？乜我之前有叫過咩？你頭先話等陣會叫我嘛，我覺得我依家先係正式落order喎。就算真係溝通問題，都唔使喺客人面前反白眼掛？
我同佢講係佢頭先叫我繼續排隊，話一陣會叫我，店主就用質問嘅語氣問我咁而家要原味O唔OK呀。我話唔OK。但係後面太多人，我選擇咗唔同佢繼續嘈。
我企埋一邊等，見到佢兩個喺入面望住我係咁講嘢，似係繼續鬧緊我。咁樣做人唔辛苦咩？睇食評嗰陣見到有人話佢哋會捐錢，店主做善事嘅時候不如反省吓自己有冇同理心先啦，我禮貌同你講嘢，又冇做啲咩嘢阻住你做生意，需唔需要咁樣對幫襯你嘅客人啊？
最後想講，格仔餅係好厚，但我食唔到茶味，冇咩特別，唔值得排隊同貼錢買難受。
$30
13 views
0 likes
0 comments
Post
