享樂烘焙

Open Now

Now Closed

作為一個專業麵包控，平時既早餐多數都係會食麵包！ 而且，最鐘意既就係周圍去搵唔同既麵包食！ 呢間麵包鋪都book mark左好耐，呢排不停係網上見到佢地既報道，而且好多人都話好食，趁今日黎開呢頭食飯，終於試到！收工之後去，差唔多7點都仲係有好多人買包，可見佢既名氣真係幾大。佢地都包既款式都幾多，而且都幾吸引！本身想買抺茶焦糖三角，但去到已經賣晒！好彩bagel 仲有好多！最終買左一個黑白頌，一個芋泥bagel同埋芝麻bagel! 黑白頌個底有層焦糖芝麻，好脆身好好味，而且麵包質地帶點煙韌，咁多個之中呢個最好食。本身對啲bagel好大期望，因為上網睇到好多人勁讚。又話用湯種既方法整，配合香港人口味，但結論係兩頭唔到岸。先置聲明，我本身係鐘意煙韌有咬口既bagel,但同果你用湯種方法，整得好軟熟好味，我當然歡迎。但係，呢間既bagel質地真係介乎兩者中間，唔係煙韌，但亦唔軟熟，反而仲有啲乾，真心一般般。