Video
Read full review
2024-07-17
1986 views
帶定頭盔先，其實已經去左好多次，平時去已經覺得係好西既西餐，但今次食完呢餐生日飯，真係覺得要上黎比一比個好評先。之前飲過龍蝦湯，蘑菇湯都覺得大廚好有誠意。當然，平時去唔會次次叫扒，因為驚食唔哂，所以通常都係叫意粉食。其中非常欣賞佢既龍蝦汁意粉，我個人覺得真係好好食，係次次都想 encore 既一道。講番正題先，因為男朋友生日，想食西餐但又唔想出去比人劏，所以又諗起呢到，就 book 左 table for 2。當然，落booking既時候有提過係慶祝生日。由於男朋友好想食蠔，就問下唔知餐廳會唔會訂到，點知又真係有!! 結果就落左兩打，應該係大廚推薦係西非蠔。去到用餐當日，因為慶祝生日既關係，我地比平時叫多左，講真全日淨係等呢一餐，哈哈。 頭盤，一人一客 南瓜蛋黃醬龍蝦沙律，真係好好味~ 我直情覺得，我胃口細，淨係呢個道已經飽一半，因為龍蝦好大隻!! 第一次食呢道，龍蝦好新鮮，唔係雪藏野，咬落去係有彈性，肉質實淨，配埋個南瓜蛋黃醬，就連我呢個平時唔食南瓜既人，都覺得個醬好好食。第一道已經好高分。之後上全晚重點，一人一打西非蠔!!! 睇番張相，其實Size 唔失禮，簡單講我地兩個都覺得好食
之前飲過龍蝦湯，蘑菇湯都覺得大廚好有誠意。當然，平時去唔會次次叫扒，因為驚食唔哂，所以通常都係叫意粉食。其中非常欣賞佢既龍蝦汁意粉，我個人覺得真係好好食，係次次都想 encore 既一道。
講番正題先，因為男朋友生日，想食西餐但又唔想出去比人劏，所以又諗起呢到，就 book 左 table for 2。當然，落booking既時候有提過係慶祝生日。由於男朋友好想食蠔，就問下唔知餐廳會唔會訂到，點知又真係有!! 結果就落左兩打，應該係大廚推薦係西非蠔。
去到用餐當日，因為慶祝生日既關係，我地比平時叫多左，講真全日淨係等呢一餐，哈哈。
頭盤，一人一客 南瓜蛋黃醬龍蝦沙律，真係好好味~ 我直情覺得，我胃口細，淨係呢個道已經飽一半，因為龍蝦好大隻!! 第一次食呢道，龍蝦好新鮮，唔係雪藏野，咬落去係有彈性，肉質實淨，配埋個南瓜蛋黃醬，就連我呢個平時唔食南瓜既人，都覺得個醬好好食。第一道已經好高分。
之後上全晚重點，一人一打西非蠔!!! 睇番張相，其實Size 唔失禮，簡單講我地兩個都覺得好食。以我地呢啲對蠔唔係好高要求既人，我同男朋友食得好開心。
然後，亦都係好期待既鵝肝，講真，唔係我吹水，影埋比你睇，佢塊野... 大大塊!!! 以佢呢個價錢，出面我諗冇乜邊幾間餐廳係可以比到呢個size既鵝肝你!! 又或者可能係生日飯，大廚比大塊啲... 掛... 哈哈 總之，食得好滿足。
食完鵝肝，有法國田螺，呢個又係男朋友覺得好好食既一道。調味好出色，配埋薯蓉，一人三隻覺得唔夠食，只可惜其實去到呢到我地已經好飽了。
最後，上左個豬鞍，其實都食唔哂~ 我唔食豬，男朋友都盡力食左一大半，加埋兩杯野飲，呢一餐非常滿足。
好欣賞個大廚，因為佢每一道菜都好食，講真食咁多次，冇一樣係叫左會後悔，或者叫左會失望。今次呢個生日飯，簡直令我地更加欣賞佢。所以冇辦法了，唯有變成飯堂 哈哈
Post
