Bistecca Italian Steak House (Closed)

男友家人請食飯，book咗呢間幾有意大利氣氛嘅餐廳食semi-buffet。叫咗呢度嘅招牌10 oz.厚和牛扒,賣相同味道亦吸引，切開裡面啱啱熟呈粉嫩色澤，咬落去稔稔嫩嫩但唔太juicy，亁乾地...即使係咁，有點可以好肯定，就係呢塊係一塊靚扒，塊扒靚過好多扒房，如果唔係過咗少少火喉就會好完美。呢度樣樣都好食，當然講緊連埋出面buffet嗰d啦!.....掂！淨出面食塊靚嘅10 oz.和牛扒最低限度都要二三百幾至六百幾蚊，而依家哋只係248蚊就食倒靚和牛扒喎!緊係Good啦!仲要連埋個buffet，喺中環真係唔易揾囉!真係值得去。但係如果下次去，我會要求要三成熟，呢個生熟度就最Very Good啦! 特別一提，唔單止有濃郁嘅芝士味同埋酸酸地嘅檸檬味，仲比噴槍過嘅焦香味。