Video
Read full review
2010-07-19
62 views
5月3日, 今日呀比繼續攤抖, lunch time過咗黎睇我試衫同埋陪食飯~ 平時我都幾鐘意食佳閣, 每日都有A-J成10個set比你揀, 而且日日唔同款~ 可以預先上網睇完佢地日日唔同嘅online menu, 覺得啱食先至黎! 平時lunch time呢度好爆, 我地就等晏少少先黎食就唔洗等位~::: 意式香草焗肉醬意粉 ::: $43平日湯款都有一中一西選擇, 我地都要咗西式意大利雜菜湯~ 濃濃嘅顏色似係落咗茄膏, 但味道都ok, 仲幾多菜添!肉醬意粉賣相都幾靚~ 肉醬豐富, 面頭d芝士焗至微焦, 好香! 汁醬份量啱啱好撈勻意粉, 番茄味頗濃, 肉醬夠碎亦夠惹味~ 意粉焗得乾身, 不過偏淋. Overall都幾好味~跟餐要凍朱古力唔洗加錢! 朱古力重手, 好濃味~ 又夠凍! 讚!::: 泰式白咖哩香茅豬扒配飯 ::: $43成面都係茄子, 仲以為黎錯咗添, 原來d豬扒墊咗落底~ 咖哩辣味唔係好夠, 不過就夠晒杰, 撈飯好好味~ 豬扒比d白咖哩味蓋晒d香茅味, 如果普通煎豬扒可能好d~ 茄子亦係一個精髓, 索晒白咖哩又好淋, 唔錯唔錯~凍奶茶茶味奶味都均勻, 亦夠凍, ok咁啦
::: 意式香草焗肉醬意粉 ::: $43
平日湯款都有一中一西選擇, 我地都要咗西式意大利雜菜湯~ 濃濃嘅顏色似係落咗茄膏, 但味道都ok, 仲幾多菜添!
肉醬意粉賣相都幾靚~ 肉醬豐富, 面頭d芝士焗至微焦, 好香! 汁醬份量啱啱好撈勻意粉, 番茄味頗濃, 肉醬夠碎亦夠惹味~ 意粉焗得乾身, 不過偏淋. Overall都幾好味~
跟餐要凍朱古力唔洗加錢! 朱古力重手, 好濃味~ 又夠凍! 讚!
::: 泰式白咖哩香茅豬扒配飯 ::: $43
成面都係茄子, 仲以為黎錯咗添, 原來d豬扒墊咗落底~ 咖哩辣味唔係好夠, 不過就夠晒杰, 撈飯好好味~ 豬扒比d白咖哩味蓋晒d香茅味, 如果普通煎豬扒可能好d~ 茄子亦係一個精髓, 索晒白咖哩又好淋, 唔錯唔錯~
凍奶茶茶味奶味都均勻, 亦夠凍, ok咁啦~
呢度除咗野食選擇多而豐富外, 我更鐘意佢周圍環境新淨光猛~ 而且有website可以睇定每個月不論早餐午餐下午茶同晚餐嘅daily menu真係好體貼! 絕對係觀塘工廠區嘅高級版西式茶餐廳~
Post
