三星台菜食堂 (新城市廣場一期) (Closed)

第一次去食，見佢新開，裝修又唔錯，就諗住試下。去到，有好多人排隊，顯示輪候號碼既顯示器，好唔方便，又細。再睇下餐牌，即刻呆左，完全唔覺係有設計。本身諗住佢會有本精美既菜單。點知係張過左膠既雙面A4白紙！餐牌上，你會見到好多個好字。真心，好唔好係客人講，唔係你自己講。入到去，因為一個人，所以被安排左係單丁位。然後係面壁食.......好唔舒服。埋單百幾蚊，甘既用餐體驗係很差的。食物，飲品方面，味道普通。留意翻，麵既湯底一定係少辣，無得走辣。服務方面，人手充足既。