牛屋 (Closed)

朋友約食飯，係佢屋企附近開咗間火鍋。小店店面唔大，但係老闆同老闆人娘人情味好濃。不停加水又不停吹水啦。其實第一眼以為咁既舖仔無咩好食，但係佢有牛肉，海鮮。有二人餐。朋友食過，話蠔好新鮮，不過我唔食得海鮮，所以無叫。只係點咗牛肉，丸同雜菜。一上枱，有個小鍋，好靚，啲雜菜好新鮮，個菇加個甜甜地既湯底，好完好想再食多兩隻。牛肉肉質好嫰，入口即溶。嗰個年糕都好好味，熟咗之後啲年糕又唔會好難咬同痴牙。仲有，小店貼心到有生雞蛋俾你點嘢食。真係好好味。另外價錢真係好合理，兩個人埋單都係168。我以為好貴添。下次要試埋小食！我見啲隔離枱食啲嘢賣相都好正。真心值回票價。