Video
Read full review
2008-05-12
8 views
11.05.2008公和真係由細食到大, 因為自細响深水埗長大, 所以出親黃金or鴨記都會幫親福榮, 福華街一帶嘅美食, 遲啲有時間會逐一介紹, 可能大家已經好熟悉, 但係小弟食咗廿幾三十年, 食評當然會更獨到啦! 我敢保證, 食神艾廸並非浪得虛名嘅!! 下晝3點幾去到, 一貫多人到嘔, 不過都啱啱有位, 坐低即刻叫咗豆漿&煎豆腐, 豆卜雙併, 本來好想食豆花, 不過係熱先夠滑, 涷就大打折扣, 所以寧願只飲豆漿!話咁快就有得飲有得食(因為番枱要快吖嘛!!), 唔~~豆漿保持一貫豆味濃郁, 令人有天然嘅感覺, 再食煎豆腐, 都不過不失, 水準都可以保持(記得落豉油, 好食好多架!!), 再睇下豆卜......咦!! 點解細件咗嘅?? 成個正方體咁嘅?? why?? 以前好大件個噃?????不過都試下味先......唔~~定硬咗又嚡口, 同以前好大分別喎?? 我滿腦子疑問去問老闆(因為我坐响佢隔離, 平時收錢個肥叔叔就係老闆!!), 佢話冇唔同呀, 都係用個啲材料, 不過個形狀唔同咗啫......, 見佢好似有啲苦衷, 我就費事再追問了~~~ 不過真係好唔同噃, 以前用啲魚肉撈埋啲豆
公和真係由細食到大, 因為自細响深水埗長大, 所以出親黃金or鴨記都會幫親福榮, 福華街一帶嘅美食, 遲啲有時間會逐一介紹, 可能大家已經好熟悉, 但係小弟食咗廿幾三十年, 食評當然會更獨到啦! 我敢保證, 食神艾廸並非浪得虛名嘅!!
下晝3點幾去到, 一貫多人到嘔, 不過都啱啱有位, 坐低即刻叫咗豆漿&煎豆腐, 豆卜雙併, 本來好想食豆花, 不過係熱先夠滑, 涷就大打折扣, 所以寧願只飲豆漿!
話咁快就有得飲有得食(因為番枱要快吖嘛!!), 唔~~豆漿保持一貫豆味濃郁, 令人有天然嘅感覺, 再食煎豆腐, 都不過不失, 水準都可以保持(記得落豉油, 好食好多架!!), 再睇下豆卜......咦!! 點解細件咗嘅?? 成個正方體咁嘅?? why?? 以前好大件個噃?????
不過都試下味先......唔~~定硬咗又嚡口, 同以前好大分別喎?? 我滿腦子疑問去問老闆(因為我坐响佢隔離, 平時收錢個肥叔叔就係老闆!!), 佢話冇唔同呀, 都係用個啲材料, 不過個形狀唔同咗啫......, 見佢好似有啲苦衷, 我就費事再追問了~~~
不過真係好唔同噃, 以前用啲魚肉撈埋啲豆腐讓番入去個豆卜度, 做成外面香口, 裡面淋滑嘅口感, 而家只係得個硬字, 而且嚡口, 忽然~~~明白, 豆卜個製作過程係要炸嘅, 細件咗, 豆卜裡面嘅水份就會減少, 質地自然就會嚡咗, size細, 讓嘅材料又自然少咗, 當然就冇咗以前外香內滑嘅口感~~~~ 為咗乜?? 而家通漲咁勁, 相信係節省成本囉~~~
都令小弟幾失望, 因為我都真係非常喜歡食公和嘅豆卜, 每次至少食兩碟, 有時仲外賣番屋企做餸, 並在小弟嘅美食榜排在前列位置, 可惜......有如巨星殞落嘅無奈~~~~
如果繼續為咗節省成本而改變食物品質, 相信會得不償失!! 其實我相信大眾識飲識食之仕, 絕不介意多付一個幾毫, 去繼續幫襯一些地道美食!! 如果公和繼續維持這個方向, 小弟相信可能又是百年基業殞落的開始.......無奈~~~~
Post