SO Coffee & Gin

Open Now

Now Closed

成日經過這間咖啡店，諗住放假試下個早餐，點知勁伏，寫返篇警世避雷文。早餐只有四款，有素食有生酮。樓高兩層，裝修都骨子，不過次次行過都無咩人，終於知點解。用QR Code落單之後坐低等啦，店員沖完杯咖啡就行行企企，又同個fd傾偈，我以為後面有個廚房定焗緊啲野食，點知等到杯咖啡都未有得食。等到唔耐煩，仲見佢坐低玩手機，咁就行過去問佢我個早餐呢？重點係成間店得我一個客，咁都可以漏單？但又識得沖杯咖啡俾我？個咖啡明明仲係餐飲。扒地中海蔬菜青醬意式生酮包 HK$98問完佢先急急腳走去整，上來一望就覺得勁求其又乾爭爭。又話又青醬又唔見，塊包又硬又無味勁難食，咁都夠膽死收我HK$98，無心機做就咪開早餐時段害人啦。