Video
Read full review
2018-11-05
32 views
一入黎呢間餐廳，環境好舒適店員都好熱情咁招呼，仲介紹有咩好食。坐底左之後，發現有驚喜，原來每張枱靠牆既位都會有充電位😻😻 非常貼心。我仲要咁岩得番三十幾%電🤭🤭餐牌亦都好用心，有中英文版，方便到啲外國食客👍🏻👍🏻👍🏻 餐牌主要有麵食，小食，炸物同埋飲品。我係超級中意食蕃茄既人，之前食過一間都係用蕃茄做主題既餐廳，但果間啲湯係好假既蕃茄甜味，完全唔好食🤮 而呢間既蕃茄湯麵係必食😎 佢既湯係好濃郁，勁重蕃茄味，酸酸味味，非常開胃。我叫左碗一貝子（上海麵），有花甲同帶子，鮮味十足，配上啖湯真係一流🤤🤤。我朋友叫左犇犇有禮，佢啖湯飲落去係同我果碗有啲分別，聽到老闊既介紹，原本佢加左牛入去湯度一齊煲，成個蕃茄湯變到有陣陣牛味，即時加分。佢雖然得兩款小食，但兩款都好出色😍 78度慢煮沙嗲豬腩肉令我好驚喜，肥瘦適中，沙嗲汁同肉十分之夾。呢款70度慢煮麻辣瑞士汁雞翼好入味，帶少少麻辣風味，好岩啲唔食得好辣但又心痕想食辣既朋友仔👍🏻👍🏻炸物方面，呢款鮮炸紫菜墨魚丸，炸腐皮墨丸蝦條，不錯的，可以一試！最後不得不提係飲品，我地叫左檸檬雪梨露同桂圓紅棗寄生茶。檸檬雪梨露係我第一次聽，飲落酸酸味味，滿口都係雪梨
一入黎呢間餐廳，環境好舒適店員都好熱情咁招呼，仲介紹有咩好食。
坐底左之後，發現有驚喜，原來每張枱靠牆既位都會有充電位😻😻 非常貼心。我仲要咁岩得番三十幾%電🤭🤭
餐牌亦都好用心，有中英文版，方便到啲外國食客👍🏻👍🏻👍🏻 餐牌主要有麵食，小食，炸物同埋飲品。
我係超級中意食蕃茄既人，之前食過一間都係用蕃茄做主題既餐廳，但果間啲湯係好假既蕃茄甜味，完全唔好食🤮 而呢間既蕃茄湯麵係必食😎 佢既湯係好濃郁，勁重蕃茄味，酸酸味味，非常開胃。我叫左碗一貝子（上海麵），有花甲同帶子，鮮味十足，配上啖湯真係一流🤤🤤。我朋友叫左犇犇有禮，佢啖湯飲落去係同我果碗有啲分別，聽到老闊既介紹，原本佢加左牛入去湯度一齊煲，成個蕃茄湯變到有陣陣牛味，即時加分。
佢雖然得兩款小食，但兩款都好出色😍 78度慢煮沙嗲豬腩肉令我好驚喜，肥瘦適中，沙嗲汁同肉十分之夾。
呢款70度慢煮麻辣瑞士汁雞翼好入味，帶少少麻辣風味，好岩啲唔食得好辣但又心痕想食辣既朋友仔👍🏻👍🏻
炸物方面，呢款鮮炸紫菜墨魚丸，炸腐皮墨丸蝦條，不錯的，可以一試！
最後不得不提係飲品，我地叫左檸檬雪梨露同桂圓紅棗寄生茶。檸檬雪梨露係我第一次聽，飲落酸酸味味，滿口都係雪梨溶同埋有啲檸檬碎，好清新😍😍 必推介！佢既凍飲係一個玻璃瓶裝住，加5蚊就可以帶佢番屋企😎👍🏻
強烈推介：
🥇犇犇有禮
🥈檸檬雪梨露
🥉78度慢煮沙嗲豬腩肉
Post
