Video
Read full review
2018-12-23
44 views
一貝子烏冬 $68🌕🌕🌕🌕🌕2粒大元貝，爽口彈牙，熟得唔會太老，一啲都唔韌，但如果外層可以再煎香小小就更佳！花甲有4隻，好大隻，輕輕一推就分離殼同肉。我爆愛番茄，愛到平時會生食一大個番茄。呢個番茄湯底爆濃郁，濃郁到質地似番茄醬，但9成都係新鮮留茄煮出黎，勁鮮勁誇張，係譚仔茄湯5倍濃郁！麵質我簡左烏冬，問左老闆話上海麵同烏冬同湯底最夾，一試果然唔錯，烏冬足夠掛起麵汁，啖啖番茄味！！-犇犇有禮烏冬 $78🌕🌕🌕🌕🌗有三個部位，最愛筋位，好腍啊！！！！有6大舊，幾抵食。重點係可以免費加湯！！-70度慢煮麻辣瑞士汁雞中翼（4隻） ＄28🌕🌕🌕🌕🌕呢個必試，覺得肉質適中，唔太滑亦唔老，但咬個都有肉汁流出。一上要即食，熱食超正。原因係因為個醬汁，用左瑞士汁唔咸，但又有好清既醬油香，加左小小麻，食落唔太辣，相信平時無食開辣既都頂得順！個麻完全為整碟添香添色，好夾！-炸紫菜墨魚丸 (4粒）$24🌕🌕🌕🌕🌑入面食到有紫菜，單食已經好好香，炸完比清蒸香口好多，但完全唔油，碟上一滴油都無，適合香口又怕肥既你地！加左「麻之一滴」，唔小心倒左4滴，麻到飛起，但好爽！-新鮮騸牯牛筋肉碎番茄濃湯 $28🌕🌕🌕🌕🌗之
🌕🌕🌕🌕🌕
2粒大元貝，爽口彈牙，熟得唔會太老，一啲都唔韌，但如果外層可以再煎香小小就更佳！花甲有4隻，好大隻，輕輕一推就分離殼同肉。我爆愛番茄，愛到平時會生食一大個番茄。呢個番茄湯底爆濃郁，濃郁到質地似番茄醬，但9成都係新鮮留茄煮出黎，勁鮮勁誇張，係譚仔茄湯5倍濃郁！麵質我簡左烏冬，問左老闆話上海麵同烏冬同湯底最夾，一試果然唔錯，烏冬足夠掛起麵汁，啖啖番茄味！！
-
犇犇有禮烏冬 $78
🌕🌕🌕🌕🌗
有三個部位，最愛筋位，好腍啊！！！！有6大舊，幾抵食。重點係可以免費加湯！！
-
70度慢煮麻辣瑞士汁雞中翼（4隻） ＄28
🌕🌕🌕🌕🌕
呢個必試，覺得肉質適中，唔太滑亦唔老，但咬個都有肉汁流出。一上要即食，熱食超正。原因係因為個醬汁，用左瑞士汁唔咸，但又有好清既醬油香，加左小小麻，食落唔太辣，相信平時無食開辣既都頂得順！個麻完全為整碟添香添色，好夾！
-
炸紫菜墨魚丸 (4粒）$24
🌕🌕🌕🌕🌑
入面食到有紫菜，單食已經好好香，炸完比清蒸香口好多，但完全唔油，碟上一滴油都無，適合香口又怕肥既你地！加左「麻之一滴」，唔小心倒左4滴，麻到飛起，但好爽！
-
新鮮騸牯牛筋肉碎番茄濃湯 $28
🌕🌕🌕🌕🌗
之後追加，但完全無後悔。呢個真心好正，唔肯定呢碗湯同湯底係米完全一樣，但我覺得無咁「傑」身，飲落順口。肉碎非肉碎，係手指公咁大既肉粒，分量多，爆正。加左香草，仲正！！
-
凍檸檬雪梨露 $18
🌕🌕🌕🌗🌑
因為佢叫露，所以會有渣，食到小小檸檬皮同雪梨渣。飲落第一口有小小奇怪，之後再飲會幾舒服，如果多啲雪梨味、甜啲，會易入口好多！
-
熱桂圓紅棗桑寄生茶 $18
🌕🌕🌕🌕🌕
女士養生首選，相信無落糖，甜度適中，飲到桂圓紅棗既香甜，味道最出就莫過於桑寄生，加隻蛋加啲蓮子完全就係一個甜品！
——
免加一。
環境橙紅橙黃咁，好乎合番茄呢個主題！好似係一堆番茄入面咁，哈哈。
價錢方面，我覺得合理，用高級食材，用爆多番茄去煮，用心之作，食完一定唔會後悔！下午茶時段仲包飲品！食完一定會再encore！！
Post
