嘗樂 (譽都)

Open Now

Now Closed

平時都會去食早餐， 以前會間中去食晚餐， 但由於食物質素大不如前同服務實在太不知所謂， 依家晚市已經冇咗去， 只不過都係貪方便先間中去食早餐。服務差都算， 茶餐廳要求不能太高 ，反正食完就走， 去結帳嗰陣時， 咁用八達通付款啦， 跟住新嚟嗰位收銀搞咗好耐， 手機八達通亦顯示已經扣了款項， 點知佢話收唔到叫個老闆出嚟 ，個老闆走黎話公司電腦收唔到錢， 叫我再另外畀現金， 本身諗住費事嘈，畀咗佢先。咁佢叫我打去八達通公司查詢， 點知八達通公司了解完件事都表示完全不合理， 表示根本唔應該再畀錢佢， 交易紀錄已經係一個好明確嘅證據， 證明我已經付了款 ，仲叫我即刻去拎番錢， 商戶話收唔到錢應該佢哋打去同佢查詢。 返到去個收銀態度已經麻麻地， 點知個老闆仲帶我遊花園， 叫我留電話有消息再通知我 ，即刻火都嚟，本身餐廳叫我同八達通公司查詢，人哋叫我落嚟拎返錢， 你又拖拖拉拉唔肯畀， 個幾十蚊咁少但都要拖個客，出面冇一間公司咁樣處理， 完全未見過間咁不知所謂嘅餐廳，唔怪之得啲客越嚟越少， 完全係趕客！一D唔好意都唔覺得佢有， 並冇為客人造成不便 ， 仲好意思叫我留電話，等佢有消息再通知我！伏，服務中