港味

Open Now

Now Closed

今日星期六大概10點鐘同屋企人去到油塘大本營呢間「港味」飲早茶。喺油塘只係得幾間可以飲茶嘅酒樓，唯有呢間係比較滿意嘅。無咩人就入去直接攞位坐。呢碗柴魚花生豬骨粥，即刻叫姐姐落多啲胡椒粉，啲粥煲得好爛啦，啲柴魚同埋花生都煲得好淋。唔使用力咬。😀去到酒樓飲茶必叫嘅係蘿蔔糕，煎得幾香口，記得問酒樓姐姐攞辣椒醬同埋甜醬。本身喺茶樓都好少叫甜嘢食，見到今日有特價就試吓。識落有驚喜，唔算好甜，金黃外皮剪到好香脆。雪山叉燒包，之前食過幾好食，所以再叫。但係今日個包唔係好熱，只係暖暖地。食唔番上次香脆嘅感覺。見到隔籬枱有呢一籠啤梨鹹水角，個樣幾吸引就叫咗一籠試吓。食落其實同普通鹹水角一樣味道，得個靚字，可以叫一籠打吓卡。