Japanese x Korean Library (Closed)

哩間位於上環的日韓菜餐廳，裝修企理，有韓國餐、日式定食可以選擇，隨餐附贈飲品，今次我試左特盛鰻魚丼（二重鰻）配熱檸茶（$128）同鯖魚定食（原條）配熱檸茶（$88）。特盛鰻魚丼名不虛傳，鰻魚有兩大件，夠大件，鰻魚夠厚身肥美，鬆化無細骨，而飯係選用珍珠米，軟硬適中，配埋蛋絲、紫菜絲、微甜的鰻魚汁，相當滋味。而鯖魚定食，鯖魚原條上碟，差不多佔左餐盤一半，相當有分量，鯖魚用鹽燒，簡單的調味可以食到魚的鮮味，配上檸檬汁，檸檬汁化解左鯖魚的油膩品，食落微酸微鹹，兩者非常匹配。