願榮光咖啡館 (Closed)

朋友想支持黃店，所以去試吓。衰在我冇預算天氣咁熱，餐廳離開上環站咁遠。要怪就怪自己冇規劃好路線。應該系中環站去扶手電梯往上行。行樓梯唔系唔得，但夏天咁行就要量力而為。行完成身大汗就唔係咁舒服。好難再享受餐廳嘅環境同食物啦。話說行到上去，餐廳難搵門口有啲隱蔽。用咗差不多30分鐘至搵到。天氣三十幾度。成身大汗。入到餐廳想去個廁所洗手洗面。但服務員話壞咗。要去PMQ至有廁所。頓時晴天霹靂⋯心裡大叫。咁唯有問佢可唔可以比杯水。佢話冇。只有沖咖啡專用嘅水。入面有磁盤洗嘢，店裡嘅狗有水飲，但冇水可以整濕張紙巾。客人要液體就要叫杯咖啡。大佬呀，我真係只係想要少少水濕濕張紙巾抹下手姐。佢好堅持一定要叫嘢飲。咁間餐廳係佢嘅，有咩規矩梗係餐廳定啦，接受唔到嘅客人咪唔好去囉。唔想同佢爭拗唯有叫杯檸檬水，額外叫佢比一杯冰囉。心裡一百個不情願。但因為同朋友來咁就無謂掃朋友興。一行4人。我到前，其餘3人已經叫了套餐。而我都表明會再叫嘢食。唔會白攞佢杯水。有必要咁孤寒嗎？不過都係嗰句啦，比唔比水客人飲係佢嘅自由。我只可以講我同呢間餐廳唔夾。就算俾錢我都唔會再去。至於食物，質素麻麻味道麻麻。份量比較細。唔好諗住會食得