Video
Read full review
2021-12-26
795 views
如果要數盡全香港最難食嘅純素黃店，呢間榜上有名話說同友人因為大家都素食者，要搵餐廳太難就偶然試下佢。𝐇𝐚𝐧𝐝𝐦𝐚𝐝𝐞 𝐬𝐞𝐚 𝐬𝐚𝐥𝐭 𝐚𝐥𝐦𝐨𝐧𝐝 𝐛𝐮𝐭𝐭𝐞𝐫 𝐏𝐚𝐧𝐜𝐚𝐤𝐞𝐬 𝐰𝐢𝐭𝐡 𝐕𝐞𝐠𝐚𝐧 𝐁𝐮𝐭𝐭𝐞𝐫 𝐚𝐧𝐝 𝐂𝐨𝐜𝐨𝐧𝐮𝐭 𝐂𝐫𝐞𝐚𝐦 純素海鹽杏仁醬熱香餅配素牛油及椰子忌廉 𝐇𝐊𝐃 𝟏𝟓𝟖 呢間cafe主打vegan pancake，由於我覺得磨菇醬素肉鬆浸pancake 太影響食慾唔敢挑戰。所以揀咗個杏仁醬嘅pancake 試下。當日不幸，冇椰子cream, 店員補償所以加多咗一塊同俾多左杏仁醬，服務唔差。但係呢，呢個一入口：難食到爆食左1/4都已經覺得要死撐。平心而論，個杏仁醬好rich, 係超濃厚花生醬嘅感覺，而且味道唔太甜。素牛油都幾似真牛油，係真係識溶化㗎，份量就好少。但主角Pancake係最大敗筆之處第一個原因足以致命，十分黏口，好稠好黏牙，一拮落去pancake 夾杏仁醬幾層一齊食，係完全稠到唔知食緊咩，熱香餅外面煎到塊塊分明，但個心就仲未熟透同好乾，咁多層杏仁醬溝埋煎乾餅，成件事入口係極乾極稠，可能差舊椰子忌廉真係差好遠。但始終極乾硬黐牙嘅問題都係要解
𝐇𝐚𝐧𝐝𝐦𝐚𝐝𝐞 𝐬𝐞𝐚 𝐬𝐚𝐥𝐭 𝐚𝐥𝐦𝐨𝐧𝐝 𝐛𝐮𝐭𝐭𝐞𝐫 𝐏𝐚𝐧𝐜𝐚𝐤𝐞𝐬 𝐰𝐢𝐭𝐡 𝐕𝐞𝐠𝐚𝐧 𝐁𝐮𝐭𝐭𝐞𝐫 𝐚𝐧𝐝 𝐂𝐨𝐜𝐨𝐧𝐮𝐭 𝐂𝐫𝐞𝐚𝐦 純素海鹽杏仁醬熱香餅配素牛油及椰子忌廉 𝐇𝐊𝐃 𝟏𝟓𝟖
呢間cafe主打vegan pancake，由於我覺得磨菇醬素肉鬆浸pancake 太影響食慾唔敢挑戰。所以揀咗個杏仁醬嘅pancake 試下。當日不幸，冇椰子cream, 店員補償所以加多咗一塊同俾多左杏仁醬，服務唔差。但係呢，呢個一入口：難食到爆食左1/4都已經覺得要死撐。
平心而論，個杏仁醬好rich, 係超濃厚花生醬嘅感覺，而且味道唔太甜。素牛油都幾似真牛油，係真係識溶化㗎，份量就好少。
但主角Pancake係最大敗筆之處第一個原因足以致命，十分黏口，好稠好黏牙，一拮落去pancake 夾杏仁醬幾層一齊食，係完全稠到唔知食緊咩，熱香餅外面煎到塊塊分明，但個心就仲未熟透同好乾，咁多層杏仁醬溝埋煎乾餅，成件事入口係極乾極稠，可能差舊椰子忌廉真係差好遠。但始終極乾硬黐牙嘅問題都係要解決，建議諗下有冇其他替代品改善下。至於pancake 本身嘅味，冇蛋所以唔好問蛋香，甜甜地冇咩特別。可能冇cream真係特別差，不過我冇勇氣再試
𝐕𝐞𝐠𝐚𝐧 𝐓𝐫𝐮𝐟𝐟𝐥𝐞 𝐒𝐚𝐮𝐜𝐞 𝐎𝐫𝐠𝐚𝐧𝐢𝐜 𝐁𝐥𝐚𝐜𝐤 𝐁𝐞𝐚𝐧 𝐒𝐩𝐚𝐠𝐡𝐞𝐭𝐭𝐢 𝐰𝐢𝐭𝐡 𝐋𝐨𝐜𝐚𝐥 𝐖𝐡𝐢𝐭𝐞 𝐁𝐮𝐭𝐭𝐨𝐧 𝐌𝐮𝐬𝐡𝐫𝐨𝐨𝐦 (𝐠𝐥𝐮𝐭𝐞𝐧 𝐟𝐫𝐞𝐞) 純素黑松露醬有機黑豆意粉配本地有機白磨菇 𝐇𝐊𝐃 𝟏𝟒𝟖
Vegan + Gluten free, 一聽就覺得係健康之選！一上碟黑松露味幾香，但黑松露油同黑松露就分離，面頭係黑松露，底部全部都只係油素芝士口感似食塑膠。白磨菇份量唔錯，用黑椒爆香過，口感爽脆。黑豆意粉黑豆味濃，但冇麩質意粉口感好韌，真心似食緊乾炒橡筋完全唔可以用意粉形容佢，難食都係意料中事。
𝐑𝐨𝐬𝐞 𝐒𝐨𝐲𝐚 𝐋𝐚𝐭𝐭𝐞 𝐇𝐊𝐃 𝟓𝟓
Cafe當然要試咖啡。呢度只有豆奶同燕麥奶選擇。玫瑰花瓣淡淡地，玫瑰味亦唔係糖漿嘅化學味，入口清新。豆奶唔算甜，咖啡同奶嘅比例就重奶，正常latte，價錢略貴。
一句講晒，純素過口癮嘅野，切忌與正常食物比較，但以我本身都食慣素食嘅身分去食都覺得難食，普通人都係慳返舊錢洗喺其他地方算。
純素海鹽杏仁醬熱香餅配素牛油及椰子忌廉
$158
22 views
0 likes
0 comments
純素黑松露醬有機黑豆意粉配本地有機白磨菇
$148
18 views
0 likes
0 comments
Post
