醉翁亭火鍋館 (Closed)

秋風起，又係打邊邊既時候啦搵左間近近地既餐廳同爸爸撐下枱腳，試下好唔好食先～門口擺左好多海鮮去到都未夠7點，但都已經滿左8成，好彩有訂位咋！餐廳係做緊無限時任飲任食大部份都係任食，下面有少少係收費既 點好野食就可以混醬，雖然配料唔多，但基本既蒜蓉、辣椒、蔥都有，所以都OK 除左火鍋，餐廳仲有D熱盤同小食，有D要收費既，所以睇唔到免費既有泰式雞腳、青瓜、雲耳、花生雞腳、蔬菜，不過要留番個肚打邊邊，所以無試啦～汽水都係任飲既，款式都幾多有兩個雪櫃放免費飲品，放既野係唔同架酒類飲品就要收費喇 除左火鍋配料，餐廳會特別送幾款食品俾客人，包括有刺身啦～有四款，每款有兩片，都幾新鮮，仲係厚切添 有個海鮮盤啦～都有6款架，有D仲唔止2隻～正呀打邊邊最鐘意食海鮮～～ 有2隻水餃王，真係好大隻，入面好似有三隻蝦，仲有木耳絲，好爽口 仲有個蠔皇扣鮑魚，呢個每星期都會轉，可以係鮑魚、花膠、海蔘、燕窩，總之款款都好正啦～～ 呢碟極級牛頸脊都係送架！可惜Si係唔食牛既，唯有爸爸自己一個食啦～爸爸話牛肥瘦適中，而且肉質都唔錯～ 另外仲點左駝鳥肉、小燕餃、脆鯇片、竹笙、鮮蝦滑同墨魚滑，份量控制得好，全部細細份，反而