麺処一家 (Closed)

今次係第三次幫襯麵処一家，同樣都係叫咗料理長之選擇，即係兩隻肉都有 基本上成間拉麵淨係專注做一款拉麵，只係肉類唔同，好欣賞呢間拉麵如果個湯底當日做得唔好，佢係唔會開，睇得出店主好有堅持要做好拉麵！料理長之選擇：左手邊係炭燒肉加咗面頭少少辣醬，不過我都係比較鍾意右手邊嘅肉，嫩得黎有黑椒味，真係好好味So far係我唯一一間可以連湯都飲埋嘅拉麵，唔油，湯底濃郁再加埋生洋蔥粒令到個湯變得balance返最後有一個特別食法係朋友介紹，如果食得辣，可以嗌個替玉同埋辣醬，撈埋變撈麵咁樣食辣得幾過癮！