Video
Read full review
2023-05-07
669 views
身為芝士狂，見在social media有美食KOL推介Pici有出芝士系列限定menu，於是搵咗同樣係芝士愛好者的朋友同桌，見到IG啲相影到鬼咁靚，間舖google同openrice評分都唔差，芝士之魂熊熊地燃燒，諗住呢鋪可以過一個快樂的夜晚，點知成為咗我帶人搵好嘢食的最大污點之一。叫咗個二人餐。有頭盤有主菜有甜品。首先係無影相的大蝦沙律。好一般，就係中等size的蝦加一堆沙律菜，不過不失。我哋都無好在意，因為今晚的主角唔係佢......芝士系列終於嚟啦！頭盆Ricottina di Bufala。KOL原句「軟芝士上盛載著薰衣草蜂蜜,旁邊仲有香脆麵包;芝士味軟綿帶甜香,好似塗果醬咁,香甜不膩~」即係水牛軟芝士加蜜糖襯麵包。ricotta係味道比較輕的芝士，食落唔算香係正常，呢個時候要靠麵包香嚟帶起芝士，然而。點解個麵包焗到硬過橡筋？KOL話香脆架喎，香呢？脆呢？淡茂茂又韌到棚牙要出盡力先撕得開，呢味餸精粹係軟綿甜香定係考驗我牙力？忍了。前菜好閒，主菜先係主角嘛。Raviodi Bottoni 'Nduja & Smoked Scaorza，辣豬肉煙燻水牛芝士意大利雲吞，芝士有落足，
叫咗個二人餐。有頭盤有主菜有甜品。
首先係無影相的大蝦沙律。好一般，就係中等size的蝦加一堆沙律菜，不過不失。我哋都無好在意，因為今晚的主角唔係佢......
芝士系列終於嚟啦！頭盆Ricottina di Bufala。
KOL原句「軟芝士上盛載著薰衣草蜂蜜,旁邊仲有香脆麵包;芝士味軟綿帶甜香,好似塗果醬咁,香甜不膩~」
即係水牛軟芝士加蜜糖襯麵包。ricotta係味道比較輕的芝士，食落唔算香係正常，呢個時候要靠麵包香嚟帶起芝士，然而。
點解個麵包焗到硬過橡筋？
KOL話香脆架喎，香呢？脆呢？淡茂茂又韌到棚牙要出盡力先撕得開，呢味餸精粹係軟綿甜香定係考驗我牙力？
Ricottini di Bufala
$140
9 views
0 likes
0 comments
忍了。前菜好閒，主菜先係主角嘛。
Raviodi Bottoni 'Nduja & Smoked Scaorza，辣豬肉煙燻水牛芝士意大利雲吞，芝士有落足，唔錯，食到佢之後重現一線希望，點知原來係全餐唯唯一味算好食。
Raviodi Bottoni 'Nduja & Smoked Scaorza
$170
9 views
0 likes
0 comments
Maccheroni Truffle & Gorgonzola。焗松露拉絲藍紋芝士長卷麵。
本應該係主角中主角，芝士中的芝士。
KOL原句「長卷麵呢款口感煙煙韌韌有嚼口,岩哂我心意!加上松露芝士忌廉,掛住得黎又唔會好漏」。
我都知道，Gorgonzola本應係一款濃郁發酵味重的藍紋芝士，奶香比例高。
但呢味唔好講拉絲，啲芝士少到要我尋寶咁先尋到，我甚至懷疑是咪真正的芝士菜色未到，更重要係，佢明顯焗過龍！啲長卷麵唔係有嚼口，而係又乾又硬，連一丁點芝士味都冇！Pici個芝士期間限定主題叫「尋覓芝士」，我get到意思真係叫我由一兜冇味的乾粉度尋尋覓覓，到最尾都係冇芝士味？
Maccheroni Truffle & Gorgonzola
$190
6 views
0 likes
0 comments
另一道主菜Truffle Carbonara，無影相，用佢官網張相頂檔，所以點解你會見到靚咁多，官網廣告係咁。經過之前盤垃圾之後，我哋士氣跌到冰點。呢碟粉算係不過不失，但又唔算好好食，帶唔返起道氣了。
Truffle Carbonara
$190
40 views
0 likes
0 comments
最後機會，甜品吖唔該。
KOL原句「布袋芝士蛋糕配上士多啤梨蕃茄果醬,質感綿滑,芝香十足」
哪來的芝香？根本啲果醬落到唔駛本，洪水氾濫咁，成碟嘢完全死甜，完美地冚晒所有芝士味，如果芝士有靈，我真心覺得佢係枉死咗。Pici呢道甜品，簡直完全演繹咩叫廚師浪費食物。
Burrata Cheesecake
$140
6 views
0 likes
0 comments
大嗱嗱每人三百幾蚊，一間西餐做到由前菜到甜菜全部都伏真係唔容易，伏我都算，難為對面靚女扁晒咀，喊出嚟。
食完之後我淨可以做三件事，第一係同畀我邀請過嚟的飯腳道歉，第二係永久唔去呢間舖，第三係以後唔再相信social media KOL。
Post
