Video
Read full review
2016-10-13
1243 views
響Sogo大馬路正正對面，有一幢商廈叫英光大廈，呢度經營左唔少私房食肆，其中一間「賣飛佛」，係法國餐廳Le Marron。Le Marron只招待會員，不過唔駛擔心，只要walk in入去留個名同電話，就可以即時成為會員，費用全免。餐廳裝修充滿法國18世紀風情，無論牆紙、壁畫、飾品、座位等等，都非常復古。Homemade Bread ($0)剛坐低，餐廳就送上麵包籃，款式都唔少，有牛角包、麥包、香草包同麵包條，全部經過烘焗，又熱又脆。Cocktail Prawn with Strawberry & Capsicum Gazpacho ($175)先黎個頭盤，士多啤梨辣椒西班牙涼菜湯，估唔到咁甜美，有新鮮士多啤梨同藍莓墊底，鮮蝦爽口，開胃醒神。Smoked Eel & Caviar with Waffles ($108)從來無響法國菜食過鱔片，仲要配waffle，真新奇！鱔片新鮮爽脆，味淡，加埋帶醎香既魚子食，味道剛好。Waffle帶有淡淡既甜味同蛋香，幾有驚喜。Mushroom Soup & Cream of Watercress Soup ($75)蘑菇湯真材實料，充滿打碎左既蘑菇粒
Le Marron只招待會員，不過唔駛擔心，只要walk in入去留個名同電話，就可以即時成為會員，費用全免。
餐廳裝修充滿法國18世紀風情，無論牆紙、壁畫、飾品、座位等等，都非常復古。
Homemade Bread ($0)剛坐低，餐廳就送上麵包籃，款式都唔少，有牛角包、麥包、香草包同麵包條，全部經過烘焗，又熱又脆。
Cocktail Prawn with Strawberry & Capsicum Gazpacho ($175)先黎個頭盤，士多啤梨辣椒西班牙涼菜湯，估唔到咁甜美，有新鮮士多啤梨同藍莓墊底，鮮蝦爽口，開胃醒神。
Smoked Eel & Caviar with Waffles ($108)從來無響法國菜食過鱔片，仲要配waffle，真新奇！鱔片新鮮爽脆，味淡，加埋帶醎香既魚子食，味道剛好。Waffle帶有淡淡既甜味同蛋香，幾有驚喜。
Mushroom Soup & Cream of Watercress Soup ($75)蘑菇湯真材實料，充滿打碎左既蘑菇粒，上面係蛋白泡泡同黑松露醬，味道濃郁，大愛；另一個係西洋菜湯，雖然西洋菜有「西洋」兩個字，但從來只響中湯飲過，西式西洋菜湯反而係第一次；餐廳將西洋菜攪碎，加忌廉煮成呢個湯，好濃重既西洋菜味，好飲。
Lime Sorbet食到呢度，餐廳送上青檸雪葩清一清味蕾。清新又冰凍，好舒服。
Tiger Prawns Pan-fried with Butter, Garlic & Garden Veggie ($260)全晚最喜歡呢一味。虎蝦燒到好香，全部已開邊兼去腸，蝦肉好鮮甜，可恨只得三隻，要爭食先得！唔好錯過旁邊既焗牛油麵包，香脆！
Foie Gras Ravioli & Beef Medallions ($360)切開面頭既意大利雲吞，包住左細細塊既鵝肝，甘香濃郁；下面既牛柳五成熟，有豐富牛肉味，肉嫰，美味。
Baked Cinnamon and Apple Crumble with Vanilla Ice-cream ($65)今晚係友人既生日，同餐廳溝通好之後，佢地將apple crumble既碟邊裝飾到美輪美奐，用朱古力寫上朋友既名字，仲用粒士多啤梨插上蠟蠋俾我地吹添，好細心，朋友即刻冧爆！
講番個apple crumble，有好香既肉桂味，餅碎香脆，蘋果甜美，配埋面頭既雲呢拿雪糕食，perfect!!
Cheese Cake ($75)生日就梗係要食蛋糕啦係咪？所以叫多份芝士蛋糕，唔係紐約芝士蛋糕，所以食落唔會太heavy，兩個人share啱啱好，也為今個晚餐畫上一個完美句號！
Post
