Video
Read full review
2023-06-16
63 views
中同best friend係外國返咗黎。為咗隆重其事，當然要搵間”有驚喜”既餐廳聚下舊啦😎今次就精心揀咗一間位於中環，非常異國風情濃厚嘅日式料理(酒吧)。我朋友未入餐廳已經比門口嘅掛飾所surprise到 (嚇親😂)，入到餐廳之後更加大叫起黎(詳情唔喺呢度劇透，真心推薦大家入去經歷下，記得要去廁所🤣) 真係一個好有趣既體驗🙈🙈但係玩還玩，佢嘅食物質素亦都非常高水準 (順帶一提佢嘅餐牌都設計得好可愛)首先不得不提 - 酒！ (註:佢係一間酒吧😀)餐廳負責人向我哋推薦左兩款cocktailsornstar ($110) - 個名搞鬼🥴造型好睇🍸飲落超正🤤熱情果伏特加有好強烈嘅果香味，可以中和返伏特加嘅苦澀味，令到你有即時味蕾上嘅快感同刺激感。鍾意味道激烈啲嘅或者口味偏甜嘅人士都會一試就愛上🥰Kabuki Mule ($125) - 外表平凡、內裏不凡青檸青瓜琴酒，造型上普通，但一飲真係不得了。係青檸嘅加持下，清新嘅青瓜味充斥着口腔，但係細細品嚐下，琴酒既獨特香氣同埋味道仍然會刺激住你嘅味蕾。呢杯酒簡直係同上一杯有着南轅北轍嘅個性🤣。跟住就到日本料理啦🇯🇵燒日本五花腩🥓 ($58)肉質鮮嫩，
為咗隆重其事，當然要搵間”有驚喜”既餐廳聚下舊啦😎
今次就精心揀咗一間位於中環，非常異國風情濃厚嘅日式料理(酒吧)。我朋友未入餐廳已經比門口嘅掛飾所surprise到 (嚇親😂)，入到餐廳之後更加大叫起黎(詳情唔喺呢度劇透，真心推薦大家入去經歷下，記得要去廁所🤣) 真係一個好有趣既體驗🙈🙈
但係玩還玩，佢嘅食物質素亦都非常高水準 (順帶一提佢嘅餐牌都設計得好可愛)
首先不得不提 - 酒！ (註:佢係一間酒吧😀)
餐廳負責人向我哋推薦左兩款cocktails:
Pornstar ($110) - 個名搞鬼🥴造型好睇🍸飲落超正🤤
熱情果伏特加有好強烈嘅果香味，可以中和返伏特加嘅苦澀味，令到你有即時味蕾上嘅快感同刺激感。鍾意味道激烈啲嘅或者口味偏甜嘅人士都會一試就愛上🥰
Kabuki Mule ($125) - 外表平凡、內裏不凡
青檸青瓜琴酒，造型上普通，但一飲真係不得了。係青檸嘅加持下，清新嘅青瓜味充斥着口腔，但係細細品嚐下，琴酒既獨特香氣同埋味道仍然會刺激住你嘅味蕾。呢杯酒簡直係同上一杯有着南轅北轍嘅個性🤣。
跟住就到日本料理啦🇯🇵
燒日本五花腩🥓 ($58)
肉質鮮嫩，係品質上乘嘅五花腩。而且煎得好香口，咬落去充滿肉汁，令人欲罷不能😋
燒雞翼🐥 ($38)
燒雞翼我自細鍾意食~ 聽落好普通嘅一度小食，但係果皮燒到脆卜卜，內裏就肉質鮮嫩非常Juicy，真係正呀正呀!
什錦蔬菜天婦羅🥠 ($68)
多種蔬菜包括青椒仔、茄子、秋葵、大蔥等等，最欣賞佢炸粉夠薄身而且唔油膩，仲可以一次過感受唔同嘅口感，健康美味兩者兼備!
帶子刺身🫓 ($138)
擺盤非常IGable🤳帶子刺身份量好充足而且非常新鮮，配以魚子同埋微酸嘅汁，充分帶出帶子嘅鮮甜。而且呢度菜式非常輕盈，最啱同班女仔friend過嚟食啦~
三文魚壽司🍣 ($48)
睇落係正常三文魚壽司，但食落口先發現佢三文魚係長身而且厚切嘅，口感係豐盈而且輕輕咀嚼已經感受到三文魚嘅鮮甜同埋有彈性，而且魚油甘香唔肥膩，對喜愛三文魚既我嚟講簡直性價比超高😍
加州卷🍱 ($98)
正常加州卷嘅做法會放黃瓜同蟹柳，但今次嘅加州卷係高級版，食材當然要高級啲啦😂 餐廳就選擇用滿滿嘅真· 蟹肉代替假· 蟹柳，而且加入牛油果提味，入口後味道嘅層次即刻提升左幾倍。順帶一提，佢嘅擺盤會刻意擺成花花嘅造型，都幾有創意🌸
鰻魚牛油果卷🍱 ($138)
話說我個friend係鰻魚控，本身話食日本餐廳已經要指定係鰻魚。果不其然呢個組合完全符合我哋嘅期待值，鰻魚同牛油果亦都非常之夾，而且卷物上面亦都加入咗薄脆，令口感更加豐富~
認真呢間餐廳detail位好多，可以做到玩味十足但食物同Cocktail嘅質素亦好高，餐廳入邊成日聽到唔同嘅客人討論店內嘅一切，個個都覺得好fun哈哈
想比朋友一個surprise就梗係揀呢間餐廳啦😆😆
Post
