Video
Read full review
2023-07-20
32 views
呢間舖頭喺SOHO橫巷嘅最入邊，位置有少少隱蔽😂舖頭主打肉骨茶同埋喇沙，選擇貴精不貴多🥢脆炸梅子一囗雞喇沙麵 $118呢度嘅叻沙有好多種唔同嘅配料🤓例如肥牛、炸雞等，比較似係港式fusion，今次就叫咗梅子一口雞，雞粒炸得香脆唔油膩，外層嘅梅子粉帶咗層台式風味😝叻沙嘅湯底唔係好濃稠嗰種，入口唔會好辣，個人特別鐘意擠埋啲柑桔汁入去🍋味道更加清新，麵底本身就預設咗係摻摻，即係米粉加油麵🍜火熱砂煲肉骨茶 $165呢度嘅肉骨茶冇加任何味精，成煲熱辣辣咁上好吸引😍啲湯已經隔去咗油脂，一啲都唔覺得肥膩，入口藥材味唔算重，呢度比較特別嘅係用上豬軟骨🐷煮得非常軟腍，軟骨已經呈啫喱狀，平時嘅肉骨茶通常成個蒜頭擺埋入去煲，呢度就比較特別，煮成一個蒜頭醬🧄可以自行調校味道，另外亦都配上老油條一齊食😌日本Suntory黑啤雞翼 $92第一次見黑啤雞翼🍺賣相有啲似可樂雞翼，其實入口味道都有啲似，都係甜甜地🤣但係就多咗陣特別嘅香味，另外亦都配有啲炒蔬菜絲，可以轉換下口感🥬lced Monk Fruit Tea with Dried Plum & Peach Gum $68譯返中文就係羅漢果話梅桃膠茶，好少見到咁豐
脆炸梅子一囗雞喇沙麵 $118
呢度嘅叻沙有好多種唔同嘅配料🤓例如肥牛、炸雞等，比較似係港式fusion，今次就叫咗梅子一口雞，雞粒炸得香脆唔油膩，外層嘅梅子粉帶咗層台式風味😝叻沙嘅湯底唔係好濃稠嗰種，入口唔會好辣，個人特別鐘意擠埋啲柑桔汁入去🍋味道更加清新，麵底本身就預設咗係摻摻，即係米粉加油麵🍜
火熱砂煲肉骨茶 $165
呢度嘅肉骨茶冇加任何味精，成煲熱辣辣咁上好吸引😍啲湯已經隔去咗油脂，一啲都唔覺得肥膩，入口藥材味唔算重，呢度比較特別嘅係用上豬軟骨🐷煮得非常軟腍，軟骨已經呈啫喱狀，平時嘅肉骨茶通常成個蒜頭擺埋入去煲，呢度就比較特別，煮成一個蒜頭醬🧄可以自行調校味道，另外亦都配上老油條一齊食😌
日本Suntory黑啤雞翼 $92
第一次見黑啤雞翼🍺賣相有啲似可樂雞翼，其實入口味道都有啲似，都係甜甜地🤣但係就多咗陣特別嘅香味，另外亦都配有啲炒蔬菜絲，可以轉換下口感🥬
lced Monk Fruit Tea with Dried Plum & Peach Gum $68
譯返中文就係羅漢果話梅桃膠茶，好少見到咁豐富嘅羅漢果茶😆原來羅漢果同話梅又幾夾，桃膠嘅份量都幾多，係健康之選🌿
Post
