微醺 (Closed)

上星期同朋友食晚飯，揀咗soho區入面依間叫微醺嘅餐廳。餐廳環境夠哂chill，加上柔和嘅燈光，感覺都幾舒適。而餐廳menu都係手畫風格，相當精美。Soho區嘅餐廳基本上都有酒精飲品賣嘅，微醺亦都唔例外，佢哋提供咗十數款嘅signature cocktail。Tea Tone用咗Ki No Tea Kyoto Dry Gin，再加焙茶酒、乳酪同蘋果汁調配，味道偏向溫醇，較易入口。特別講一下依支Ki No Tea Kyoto Dry Gin，釀酒廠同明治時期至今嘅京都宇治老茶舖掘井七茗園合作調製，令依款季之茶琴酒帶甘甜香味。G Color High Ball由知多威士忌、京都抹茶同梳打水調配嘅cocktail。與Highball嘅分別，就係加入咗京都抹茶，所以喺顏色同味道方面都帶嚟咗驚喜。意式日本帶子刺身薄片・三文魚籽・白松露油喺餐牌見到依款菜式都幾特別，相信作為前菜應該唔錯。帶子切得都算薄身，配合三文魚籽，同白松露油調配嘅汁醬，味道相當有層次。半熟吞拿魚春卷・他他醬雖然係好簡單，但可以講係一款都有挑戰性嘅菜式，油溫、火喉、時間稍有偏差，內裏嘅吞拿魚就會過熟。我哋今日依客半熟吞拿魚春卷倘