Video
Read full review
2011-11-29
14 views
禮拜五同媽媽係朗豪坊 UA Cinemas 睇完「那些年，我們一起追過的女孩。」後，唔知食咩好，見到對面有間 Spaghetti House，好似好耐無幫襯過，所以就決定入去試下啦。我地係係後門入既，因為我唔知後門淨係得樓梯通往門面，所以就同媽媽一齊撐左十幾級樓梯先去到。去到門口，唔駛幾耐就有個侍應招呼我地坐低。揭完一輪餐牌，由媽咪發板，叫左個濃香套餐。叫呢個套餐既主要原因係媽咪對個沙律同個豬仔骨好有興趣，可惜只可以2選1，最終加多左個沙律(因為散叫沙律比散叫豬仔骨平幾蚊)。首先黎既係餐湯呢個湯味道一般，略有蜆味，但心知係以雪藏蜆肉煲成，再加幾隻有殼既蜆而成既。然後係另外叫既沙律係成個餐唯一比較可取既食品，生果沙律清新開胃，加上煙三文魚，口感豐富有層次。再黎係主菜芝士焗出黎既食物應該都唔會太差，至少一上枱個下香噴噴，幾令人垂涎三尺。龍蝦汁都做得唔錯，配搭得宜。不過可能唔食慣墨汁整出黎既食物，食到一半開始個喉嚨有少少痕痕地。另外，個飯做得唔太黏身，「不」起上黎「散收收」，唔知係咪個飯既特色呢？之後講起就把鬼火，我地明明落單個時講到明個沙律係另加既，個餐要既係豬仔骨。原本以為個豬仔骨製作需
我地係係後門入既，因為我唔知後門淨係得樓梯通往門面，所以就同媽媽一齊撐左十幾級樓梯先去到。
去到門口，唔駛幾耐就有個侍應招呼我地坐低。
揭完一輪餐牌，由媽咪發板，叫左個濃香套餐。叫呢個套餐既主要原因係媽咪對個沙律同個豬仔骨好有興趣，可惜只可以2選1，最終加多左個沙律(因為散叫沙律比散叫豬仔骨平幾蚊)。
首先黎既係餐湯
呢個湯味道一般，略有蜆味，但心知係以雪藏蜆肉煲成，再加幾隻有殼既蜆而成既。然後係另外叫既
沙律係成個餐唯一比較可取既食品，生果沙律清新開胃，加上煙三文魚，口感豐富有層次。再黎係主菜
芝士焗出黎既食物應該都唔會太差，至少一上枱個下香噴噴，幾令人垂涎三尺。龍蝦汁都做得唔錯，配搭得宜。
不過可能唔食慣墨汁整出黎既食物，食到一半開始個喉嚨有少少痕痕地。
另外，個飯做得唔太黏身，「不」起上黎「散收收」，唔知係咪個飯既特色呢？
之後講起就把鬼火，我地明明落單個時講到明個沙律係另加既，個餐要既係豬仔骨。
原本以為個豬仔骨製作需時，反正有野食，就諗住邊食邊等。
點知見隔離枱遲過我地坐低都已經有得食同樣既豬仔骨，serve佢地既侍應仲要細心到俾埋膠手套同濕紙巾。
因此我地就同行過既侍應講，佢都非常之有禮貌地話幫我地跟一跟。
等左一陣，豬仔骨終於黎左啦。
同個飯一樣，又係超香，仲要等左咁耐，所以超期待。唔知係我地期望太高，定係個餸真係做得唔太好，醬汁略嫌偏濃同頗酸，可能我地原以為個醬汁會比較近似燒烤醬既味道，所以有d失望。
瘋薯雖可口，調味亦適中，可惜又不如我地期望，佢無類似「愛爾蘭瘋薯」做到既外在香脆內裡鬆軟，又未至於「麥當勞」個隻脆卜卜。
食到差不多之際，頭先幫我地跟單個個侍應埋黎問我地要唔要甜品。
我見佢枱枱都問，而差唔多枱枱都話唔要，然後就可以順便賣埋單。
可能佢都只係循例問下我地，所以當我地話要，並且問佢拎個餐牌黎既時候，見佢都有d愕然。
等左一陣佢先拎個餐牌黎，之後就企係我地隔離等我地order。
事實上我地仲享用緊枱面既食品，所以叫佢或者擺低個餐牌，轉頭我地再叫佢黎。
點知未夠5分鐘佢就行埋黎問我地決定好未，我地奇怪點解佢咁急呢？
佢話廚師好快會走哂，要落order就要快！
個時其實係晚上11點幾，間野就收12點。
我地心諗：係咁趕一係就早d循例問，一係就連問都唔好問啦！
枱面野食又唔多岩口味，佢又焦急等我地決定，最終甜品都廢事叫，叫佢埋單就走人了！
Post
