星巴克咖啡

Open Now

Now Closed

啲人成日話要摸住酒杯底傾野，點解呢？唔通會efficient 啲？定係成功率高啲？！🤔不過今日我就趁住要落銅鑼灣傾野，專登約係Starbucks 旗艦店，順便朝聖一下。嚟之前已經諗定要試佢嘅旗艦店限定啤酒Sparkling Kenya IPA🇰🇪 🍺。其實我都係第一次係Starbucks飲啤酒，認知不多，盲試味道，飲得出好重花香，杏桃香，有少少果酸味，充分展現出kenya冷萃咖啡嘅特性，柔和得嚟有種好清新嘅感覺😍，好適合天氣咁屈悶嘅今日飲呢👍。另外其實我今日仲連早午餐都skip埋, 就係為左嚟呢度一次過試埋佢嘅Pancake🥞, 點知係要等到三點後先至有供應，差啲餓死我😅。我揀左士多啤梨口味，因為夏天想食啲fresh啲嘅甜品，唔好咁膩。但講真，佢其實只係一般好味嘅傳統Pancake, 食得出用料新鮮有質素，但冇乜特別，不過因為係Starbucks供應，而且係旗艦店限定，身為Starbucks 忠實打躉王點都要嚟試架喇，如非Starbucks迷可以不理😝。