日多郎外賣壽司專門店

Open Now

Now Closed

之前見過有人share話呢間d外賣壽司唔錯，最吸引係佢通宵營業，深夜隨時想食壽司都可以叫外賣，按地區滿指定金額就可以免費送貨，都算幾抵。今次係荃灣staycation，深夜肚餓想食壽司，就諗起呢間野。荃灣區就需要叫滿$500先送貨，叫下刺身叫下壽司好快就夠。whatsapp落單，用轉數快比錢，大約等左半個鐘就送到，都幾快呀。刺身叫左八爪魚、帶子、赤蝦、油甘魚，d刺身望落都唔錯。幾新鮮，好鮮味，特別帶子，但蝦就一般姐，唔夠鮮。壽司方面，賣相都唔錯的。魚生唔會太細/太薄。不過d飯唔係好有壽司醋味，但d飯不會太硬，唔錯。軍艦都唔錯，紫菜仲脆，燒帆立貝都唔錯。總結，食物唔錯，服務唔錯，不過價錢略貴，但深夜送外賣嚟講都算抵。