Video
Read full review
2021-08-22
254 views
餐廳時間安排本身我哋book咗7:00，目的唔係為咗睇表演，純粹去食餐飯，7:00去到出面一大條長龍，等咗一段時間先入到去，我哋叫完嘢食，嘢食黎到，已經7:50，8:00餐廳同事走嚟同人講last order😅本身話9:00有live band表演，由於表演嘅時候全部食客不能夠食嘢同飲嘢，所以9:00前要食完收好晒杯碟，點知8:15表演嗰隊band有個人走出嚟開咪同所有食客講，話想唱多幾首歌，所以”建議”我哋早15分鐘完。其實，餐飯都成千蚊，我切塊扒都要時間，飲嘢都要時間，要我早15分鐘食完飲完其實都真係差好遠，要滾水淥腳咁食，本人表示不解，你想唱多隻歌唔關我事架，我俾錢食餐飯，係去enjoy食物，唔係俾錢你唱歌，點解要將你想唱多隻歌建築喺人哋痛苦身上？平日返工食飯已經趕，而家weekend想慢慢食餐飯都俾你催，其實你”建議”人食快啲俾你唱多啲歌，其實即係比緊pressure人。餐廳負責人俾佢提出呢個咁嘅要求其實係完全唔應該，點解唔係佢隨時ready，見到所有人提早食完嘅話，佢就即刻提早演出呢？再唔係，你咪原定時間演出，遲少少完囉。不過個人建議，你咁鍾意唱，不如自己開個演唱會唱飽佢會好
本身我哋book咗7:00，目的唔係為咗睇表演，純粹去食餐飯，7:00去到出面一大條長龍，等咗一段時間先入到去，我哋叫完嘢食，嘢食黎到，已經7:50，8:00餐廳同事走嚟同人講last order😅本身話9:00有live band表演，由於表演嘅時候全部食客不能夠食嘢同飲嘢，所以9:00前要食完收好晒杯碟，點知8:15表演嗰隊band有個人走出嚟開咪同所有食客講，話想唱多幾首歌，所以”建議”我哋早15分鐘完。
其實，餐飯都成千蚊，我切塊扒都要時間，飲嘢都要時間，要我早15分鐘食完飲完其實都真係差好遠，要滾水淥腳咁食，本人表示不解，你想唱多隻歌唔關我事架，我俾錢食餐飯，係去enjoy食物，唔係俾錢你唱歌，點解要將你想唱多隻歌建築喺人哋痛苦身上？平日返工食飯已經趕，而家weekend想慢慢食餐飯都俾你催，其實你”建議”人食快啲俾你唱多啲歌，其實即係比緊pressure人。餐廳負責人俾佢提出呢個咁嘅要求其實係完全唔應該，點解唔係佢隨時ready，見到所有人提早食完嘅話，佢就即刻提早演出呢？再唔係，你咪原定時間演出，遲少少完囉。不過個人建議，你咁鍾意唱，不如自己開個演唱會唱飽佢會好啲。。
餐廳食物質素
睇完食評叫咗個8oz牛扒，加個魚，tiramisu，1杯cocktail加1杯mocktail
1.牛扒望落去以為好厚，原來只係錯覺，最厚嘅嗰個位，成舊都係脂肪，根本唔食得。同埋呢件牛扒真係有8oz?塊牛扒食得落肚嘅肉位大概只有0.5cm厚，我曾經食過尖沙咀某社企，人哋餐牌都係話8oz，但人哋塊扒一樣大細，但有起碼1.5cm厚，一係就係社企大贈送，一係就係呢間嘢偷工減料
4 views
0 likes
0 comments
(附上下面對比圖：某尖沙咀社企8oz牛扒)
2.個魚只能夠講好失望，肉質唔好食，連埋配菜食都唔好食，又乾，真心建議不如take this item off the menu算
1 views
0 likes
0 comments
3.個tiramisu講起就嬲，$148，叫嘅時候以為咁貴，個份量一定大過平時好多，或者味道世界頂尖，無人能及。點知原來得一個人份量，味道係正常，個cheese打得唔太杰，口感ok，但唔美觀，冇賣相，唔好意思，完全唔值呢個價，完全係rip off，個人認為咁嘅份量咁嘅質素，只係值$60-70，完全唔值得叫，令我有種俾人呃，俾人rip off嘅感覺，真係好失望
10 views
0 likes
0 comments
4. 杯cocktail 亦都好細杯，應該係平時嘅6-7成份量，同埋太甜
餐廳場地及服務
裝修ok，有個大電視賣下嘢食廣告，幫啲band賣下廣告，啲廣告係美觀，睇得出有心機整，每張圖嘅設計都consistent。服務上ok，一揾同事好快就會幫手，都好有禮貌。坐位上，如果你好彩有得坐圓枱，會坐得幾舒服，但如果坐二人枱，張枱會太細，唔係好夠擺嘢食，有少少壓迫感。唔知係場地音響問題，定係live band問題，live band表演嘅時候，每一句我淨係聽到一兩隻字，背景音樂同樂器好大聲，唔知佢唱乜，基本上淨係聽到佢喺度叫，其實真係唔係好enjoy到。
總結：以後唔會再夜晚去食，晏晝去食個tea好食好多，食tea性價比會好好多。夜晚去比咁嘅價錢食，應該有好多其他西餐廳食物質素/份量比呢間更加好，所以夜晚唔會再揀呢間，not worth it
Post
