Video
Read full review
2014-10-24
5901 views
麥師父開左新場！再唔係叫大尾篤燒烤王，唔好去錯喎！係正以前燒烤王隔離乍，老麥加油呀 ﹗今晚麻煩麥仔幫我留個靚位，自成一閣。第一次來臨，地方比以前細左半，但乾淨齊整骨子左好多 ﹗石屎地、食物提取處、飲品部、兒童樂園。最重要係個新男仕廁所好乾淨呀 ﹗但只有兩格，無尿兜。 依家七點半差不多八點都 full 左 70% 喇 ﹗有班大陸公司搞 party、又有班大學學生搞活動 ﹗每次都係港式用叉自己燒，今次特別改用網燒，因為我地買左海鮮加餸麻 ﹗麥師傳養既狗狗，比以前少左好多隻喎 ﹗聽老闆娘講，舊舖燒烤王個新老闆唔鍾意狗，自己 call 捉狗隊黎捉走晒狗囉，最終咪又係人道毀滅？好過份呀 ﹗海花蟹、連殼生蠔、貴妃蚌、大蜆，燒左自備海鮮先 ﹗燒本地生蠔原來勁好味架！超級鮮甜濃郁又彈牙，唔洗開直接燒，肉汁唔會流失得太多，全熟生蠔依然肥美飽滿，正呀！蟶子皇都甜到不得了！燒到乾身即啪入口，鮮爽多汁帶碳燒香味，太美味 ﹗最初唔記得要左海蟹先燒，係好難熟架 ﹗Lucky 勁多膏，蟹肉又鮮甜。大蜆、貴妃蚌、花蜆同樣新鮮味美，全部只係三百幾蚊乍！最遺憾收工太晏買唔到龍蝦囉！燒連殼生本地生蠔唔洗開，燒到差不多
海花蟹、連殼生蠔、貴妃蚌、大蜆，燒左自備海鮮先 ﹗燒本地生蠔原來勁好味架！超級鮮甜濃郁又彈牙，唔洗開直接燒，肉汁唔會流失得太多，全熟生蠔依然肥美飽滿，正呀！蟶子皇都甜到不得了！燒到乾身即啪入口，鮮爽多汁帶碳燒香味，太美味 ﹗最初唔記得要左海蟹先燒，係好難熟架 ﹗Lucky 勁多膏，蟹肉又鮮甜。大蜆、貴妃蚌、花蜆同樣新鮮味美，全部只係三百幾蚊乍！最遺憾收工太晏買唔到龍蝦囉！燒連殼生本地生蠔唔洗開，燒到差不多熟就會爆開，嚇死 ﹗哈哈 ﹗燒緊海鮮既時候，幾批唔同既大陸友好奇地不停照相，未見過燒海鮮咩！隻蟹拆開左去乾淨，終於燒得熟喇！蟹蓋勁多膏，蟹肉鮮甜又竹彈彈的，好味道！碳燒蟶子皇完全不需任何調味，天然甜美加肉香，好食到震！頂級鮮甜大花蜆，碳燒香噴噴！海水味濃而帶蜆肉甜味，質地夠晒彈，正！碳燒珍寶美國扇貝，連殼有我手掌咁大呀！不過開左會好難燒得熟，一定要有水先得，依家無雞湯無蒜蓉無 Wahhabi 無調味料，就地取材！碳燒朝日啤酒珍寶美國扇貝，正呀！碳燒朝日啤酒珍寶美國扇貝，其實用 washabi、用蒜蓉辣椒青蔥燒都好好味。碳燒朝日啤酒珍寶美國扇貝，因為實在太厚肉太大隻，真係要燒好耐。其間要不定加啤酒，燒到甩殼先夠熟。終於燒好有得食喇！好味到辣以形容，鮮甜棉滑，帶碳燒香味，慢慢咀嚼時散發出淡淡酒甜味，very good！碳燒貴妃蚌、碳燒大蜆，貝殼類最易掌握最易燒又無需調味，燒到開口即食，唔開口即係死左可以掉得。燒熟完全保存到海水仲源汁原味，入口勁濃海水味道，咁咸既？可能直接帶到燒烤場無浸淺水呢。不過十分肥味，勁新鮮彈牙！碳燒原隻生蠔，首次完全唔開半殼直接燒，將蠔汁海水迫回蠔肉裡面，燒到爆開乾身，全熟既熟用香氣撲鼻！蠔肉肥美棉棉，特濃蠔鮮甜味，半點腥嗅都無，同樣無需任何調味或點汁食，依家已經好好味！Part 1 美味自海鮮搞掂！Part 2 任砌燒烤開始！好味噃，比以前燒烤王更好，醃得入味剛好，唔會過火。乳香、蒜香、咖哩雞中翼全部都好好食。招牌肥美沙嗲鱔柳唔洗講梗係正，仲有人氣香甜金沙骨、叉燒粒同樣美味。我最喜歡雞扒、豬扒、牛扒，啖啖肉，都好滿意，我真係百份百食肉獸黎架！牛丸、墨魚丸、魚蛋、玫瑰紅腸、廚師腸、魷魚翼，大路穩陣。碳燒雞全翼，食到雞中翼既鮮嫩、雞膇既結實有咬口、雞翼尖既滑溜！醃得又到位，燒得金黃香口，搶住食啦！碳燒一品，香噴噴！麥師傅係後面正在教授 BBQ 秘技，讚！時間過得真快，轉睇食左老麥既 BBQ 十幾年喇！
Post
