Oliva (Closed)

黎過食幾次一開始對佢既期望都唔係太大始終收咁既價錢是次菜式:1. 燒牛肉芒果木瓜沙律今次無上次咁好食，牛既部位明顯唔同上次，亦都唔係燒，睇得出係切完再煎既，同上次應該係成舊燒好再切好唔同，亦都無上次咁有牛味同Juicy。2. 燒羊肉中東包一般，無平時出去食果ｄ咁好味，羊肉無咩香料味，同埋只食得出好咸。3. 雞肉南瓜忌廉汁扁意粉之前響第二度食過個好好味既南瓜忌廉汁焗飯，所以想睇下呢度個汁整得好唔好味，不過有ｄ失望，汁太傑身，而且無咩南瓜味。但意粉keep到佢既水準，依然充滿彈牙口感同面粉香。可能過要一段時間再試過了，希望下次會進步返。