Video
Read full review
2017-05-24
62 views
嗰日同朋友聚會，見到呢間餐廳環境唔錯，就入咗去坐。一入門口嗰度有好大個酒櫃，好有feel。可能因為嗰時下午茶時間就完所以個場冇乜人，坐得好舒服！仲有播我最鍾意既Aga!!!情調100分！老實講，以呢間餐廳食物嘅質素，下午茶真係相當抵食，推介！！！首先係個Carbonara，意粉煮得剛剛好，係我最鍾意嘅質感，唔會過分軟身，係有咬口嗰隻。嗰汁都煮得好濃，如果鍾意食Carbonara嘅朋友，一定要試下！另一款主菜煙三文魚窩夫都幾特別。窩夫本身就係甜甜地架啦，但加埋煙三文魚偏鹹嘅味道，居然出奇地夾！仲有個蛋沙律唔係好似平時嗰啲淨係撈沙律汁，有啲好特別嘅味道我估係撈左少少Wasabi，加埋個Benedict egg真係好好食，係清新之選！叫咗兩個主菜見佢哋都咁出色，就同朋友決定叫埋甜品^^朋友叫咗心太軟伴雪糕，佢話冷熱交融好正。我就唔鍾意食咁甜所以就叫左檸檬撻，酸得黎唔會太酸，味道岩岩好！總括而言，呢間餐廳既下午茶性價比真係十分高！推薦大家去！^^
老實講，以呢間餐廳食物嘅質素，下午茶真係相當抵食，推介！！！
首先係個Carbonara，意粉煮得剛剛好，係我最鍾意嘅質感，唔會過分軟身，係有咬口嗰隻。嗰汁都煮得好濃，如果鍾意食Carbonara嘅朋友，一定要試下！
另一款主菜煙三文魚窩夫都幾特別。窩夫本身就係甜甜地架啦，但加埋煙三文魚偏鹹嘅味道，居然出奇地夾！仲有個蛋沙律唔係好似平時嗰啲淨係撈沙律汁，有啲好特別嘅味道我估係撈左少少Wasabi，加埋個Benedict egg真係好好食，係清新之選！
叫咗兩個主菜見佢哋都咁出色，就同朋友決定叫埋甜品^^朋友叫咗心太軟伴雪糕，佢話冷熱交融好正。我就唔鍾意食咁甜所以就叫左檸檬撻，酸得黎唔會太酸，味道岩岩好！
總括而言，呢間餐廳既下午茶性價比真係十分高！推薦大家去！^^
Post
