玥滿屋 (Closed)

有次行黎大圍呢條巷仔, 見到單車舖隔離原來有間細細地既家庭式小店, 就行埋去睇下個餐牌有咩食...跟住好快就有個應該係老闆娘既女仔就行出黎好有禮貌咁介紹下佢地既食物, 見佢咁友善而且價錢都唔算貴, 我就入去試下啦! 入到去發覺地方真係幾細, 只有四張2人圓枱, 隔離已經係煮食物既地方, 但環境感覺都唔錯, 好乾淨亦都佈置得幾光鮮. 我叫左碟“惹味辣腸黑椒雞絲炒意粉”, $58跟熱飲, 價錢算合理. 碟意粉都炒得幾好食, 一來炒得唔會好油膩, 就算食到最尾都唔會油淋淋...二來意粉煮得好煙韌彈牙, 口感唔錯..裡面除左有惹味辣腸同埋雞絲, 仲有好多椰菜同埋洋蔥絲, 配料份量幾充足呀. 另外D腸仔味道辣得黎幾特別又好惹味 (不過真係幾辣下)!整體幾好, 會繼續支持.