新派韓食館 (Closed)

裝修環境唔錯，坐得舒服，值得一試既芝士火焰拉豬仔骨，一上枱唔知點食，但服務員十分有善，見到我一臉茫然咁就知我想點，主動行埋黎幫我攪，熱溶左啲芝士後香到不得了，然後原來將溶左既芝士捲住條豬仔骨，嘩，我只見到一堆脂肪呼叫緊我，我黎啦，芝士入口唔太咸，唔黏口，好味，豬仔骨好入味，鍾意食芝士既人一定要試，另外推介醬油蟹，小弟笑一次食醬油蟹，之前聽人講話好咸，話一定要撈飯先得，但呢度既醬油蟹我覺得唔太咸，好味，我覺得就咁食好食啲，炸雞味道亦都唔錯，個汁有水果味，睇得出有心做出黎既，另外啲待應應該有部份都係韓國人，另外服務態度相當之唔錯，很主動，今時今日，咁既服務態度應該可以長做長有，想食既你我提議早少少去因爲七點零呢啲食飯時間我包你喺門口有排企，呢度我一定會再encore。