新派韓食館 (Closed)

平時好少入黎大圍食野, 仲話要食韓國菜, 我本身都無咩期待, 但係今次好朋友兼生意好拍擋嘅介紹, 又幾令我喜出望外!雖然而家香港人嘅飲食習慣受韓國影響好深, 但係要搵間出色而好食嘅韓國餐廳確受唔容易, 而呢間我諗大家要bookmark定, 因為真係好好食! 先黎個小食, 豆腐外表非常香脆, 配上滋味嘅酸甜嘅醬汁, 入口滑嘟嘟, 絕對係必叫之選!呢個醬掩莞島鮑魚, 都唔駛點特別多講, 一個字, 好食! 入口煙韌, 醬汁味適中, 唔會搶左鮑魚本身嘅鮮味!海鮮煎餅配香蔥, 煎得香脆, 係今晚韓色海鮮三部曲之二!三部曲之最終回係呢個原隻醬油蟹拆肉。有店員係我地面前將原隻醬油蟹拆肉, 證明完全真材實料, 最好嘅地方仲會幫我地加埋紫菜撈飯 講開店員, 呢位韓國姐姐(或者係妹妹)幫我地拆蟹肉之餘, 仲會親自係我地面前煮呢個芝士蛋溶岩豚肉抄飯。本身個飯已經好好食, 豚肉辣辣地咁, 好醒胃, 而家仲係咁靚嘅女仔煮俾我地, 更加會加50分!!食左咁肉同埋海鮮, 一定要食下啲菜中和一下, 呢個雜菜煱份量夠晒大, 再加埋呢杯足料十足嘅草莓冰茶, 除左草莓之外, 火龍果都有, 而且味道又唔會太甜, 都係一個幾好