新派韓食館 (Closed)

邊個話食韓國嘢一定要貴先好味道！大圍就俾我淘寶淘到間正宗原味，仲有大量oppa 服待你，即場大展身手ge 韓菜館~位置係隔涉啲，但唔算難揾，而且都係果句：食好野，係要揾架啦！>>韓式芝士蛋溶岩豬肉炒飯有oppa 即場煮即場炒，確係加分！望住個半生熟蛋包住個惹味韓式炒飯，真係完全唔想oppa 服待，想一野就自己了斷咗個飯！ 蛋炒得嫩滑，蛋香味重， 配合埋個飯ge 甜度同芝士， 邊食邊拉絲， 認真正！>>阿之媽街頭炒豬雜錦好辣但好惹味，食唔到辣ge 朋友大概係完全挑戰唔到， 本人都喺食咗一小碗已陣亡。辣得舌頭麻痺但過癮~超香口而且係正宗韓式辛辣醬做出嚟ge 味道！>>韓式炸雞炸雞個人感覺一般，可能試過太多韓菜館ge 炸雞，呢間ge 反而因為冇乜特式而顯得失色！當然唔代表話唔好味，只係冇太大驚喜~