Pier 1929

Open Now

Now Closed

今日特登book左枱，對住尖沙咀海景High tea!餐廳環境清新樓底很高，而且對着尖沙咀海景環境10分寫意。特色三層下午茶598兩個人價錢合理。呢個Tea set超靚！餐廳好有心思每一個客人的tea set嘅花花裝飾都係唔同嘅。靚到唔捨得食！淨係打卡都抵呀。下層有香濃咖喱雜菜批，大蝦多士，芝士烤雞肉酥盒，龍蝦奶油多士，松葉蟹墨西哥薄餅同鬆餅等等！我最鍾意嘅就係大蝦多士同烤雞肉酥盒。多士底鬆脆配上大蝦嘅鮮甜非常滋味。雞肉酥盒外皮鬆脆，雞肉配上芝士味道香濃識落又唔膩口。上層嘅甜品有檸檬撻，抹茶蛋糕，柚子芝士蛋糕，酒冧朱古力同迷你雙黃白蓮蓉月餅。月餅應該係餐廳想應下節！ 我最鍾意佢個有子芝士蛋糕，蛋糕軟滑食落去有柚子清香，一啲都唔膩，值得推介。鍾意食朱古力嘅人應該都會鍾意呢個酒冧朱古力！朱古力裏面係甜酒味道容易入口。而且最特別嘅係如果餐牌有寫refill嘅食物，係真係可以無限refill！真係一個好好同閨蜜聚會嘅好地方。