Video
Read full review
2016-07-26
4204 views
感謝美女們為我的生日安排!原先我們是打算到Glass House慶祝,但我跟那餐廳都幾無緣份先後幾次book了枱都會臨時有某種原因而最後要改地點哈...還是有緣再聚吧!最後在開飯亂search一通後發現食通天多了一間很像很有名氣的餐廳THE FAT PIG by Tom AikensTom Aikens係個咩人0黎呢?咁大個樣係個招牌度 (唔係下面隻豬, 係上面個靚仔呀)原來頂頂大名嘅TomAikens曾跟隨名廚PierreKoffmann和Jöel Robuchon鑽研廚藝(總知都係勁人啦)成為英國擁有米芝蓮兩星榮譽的最年輕廚師被譽為英國最具創造力的大廚之一簡單D講即係年青有為啦!我BUY呀 (雙眼閃光中)小姐....你係0黎食0野定睇靚仔?OK OK 講番食0野先一入門口就有大大個"IN PORK WE TRUST"0既字掛係度即講到明成間餐廳食豬為主啦聽講係會用盡豬0既每一part入饌但食過之後, 哩點我有小小保留唔係唔好食呀, 係唔夠多元化0者最小我搵唔到豬內臟, 豬頭皮同豬尾....咁又點算用盡豬0既每一part呢?始終食豬哩家0野, 都係中國人最有心得(小姐, 是你要求太高
感謝美女們為我的生日安排!
原先我們是打算到Glass House慶祝,但我跟那餐廳都幾無緣份
先後幾次book了枱都會臨時有某種原因而最後要改地點
哈...還是有緣再聚吧!
最後在開飯亂search一通後發現食通天多了一間很像很有名氣的餐廳
THE FAT PIG by Tom Aikens
Tom Aikens係個咩人0黎呢?
咁大個樣係個招牌度 (唔係下面隻豬, 係上面個靚仔呀)
原來頂頂大名嘅Tom
Aikens曾跟隨名廚Pierre
Koffmann和Jöel Robuchon鑽研廚藝
(總知都係勁人啦)
成為英國擁有米芝蓮兩星榮譽的最年輕廚師
被譽為英國最具創造力的大廚之一
簡單D講即係年青有為啦!我BUY呀 (雙眼閃光中)
小姐....你係0黎食0野定睇靚仔?
OK OK 講番食0野先
一入門口就有大大個"IN PORK WE TRUST"0既字掛係度即講到明成間餐廳食豬為主啦
聽講係會用盡豬0既每一part入饌
但食過之後, 哩點我有小小保留
唔係唔好食呀, 係唔夠多元化0者
最小我搵唔到豬內臟, 豬頭皮同豬尾....咁又點算用盡豬0既每一part呢?
始終食豬哩家0野, 都係中國人最有心得
(小姐, 是你要求太高了吧!)
餐廳裝潢走舒服簡樸風,亦設有酒吧區
好岩放工後三五知已到來唱飲一番!
我哩D擺明係以食為主....飲0野, 下次先~
專登放大D個menu....等大家睇得開心D!唔止豬架, 仲有魚同....蔬菜
SORRY, 我知我影得比較朦
一0黎度, 朋友就極力推薦哩杯 SO BANANANAANAAAA (大既係咁串啦)無他, 只因我係個愛蕉如命的人
係menu上我搵唔到另一杯更岩我0既飲品了
味道真係好香蕉!
口感似飲緊香蕉奶式
真的除了香蕉便是香蕉
係杯邊插多塊新鮮香蕉切片作點綴
杯飲品根本就係為我而設!
0黎個小合照先!好西式快餐0既感覺
炸豬耳配酸豆醬豬耳仔平時食得多
炸0既豬耳仔都係第一次食
香香脆脆0既麵衣加埋豬耳仔0既軟骨好特別
加埋佢個酸豆醬(放左係漢堡飽隔離)真係可以食唔停口!
約朋友0黎哩度happy hour飲兩杯配埋炸豬耳
一樂也!
脆香豬皮有兩種顏色係因為用左兩種唔同0既腌制方法
我本人比較喜歡白色那款
因深色那款好鹹...鹹得有點苦
後來我們幾位美女在相討之時
被送菜上來的waiter聽見我們有意見
很快餐廳的經理便主動走過來跟我們解釋
重味的原因係因為給飲啤酒的客人作送口小菜
可能我們當天點的飲品不太夾了
細心解釋過後,還主動替我們取消order
服務好得我不知什解釋好了
實在要為這餐廳網上的負評0黎一個大平翻!!
就連落單、上菜的工作人員都好好笑容, 有問必答
在落單之時, 我們不斷向他提問有甚麼推介
為什麼要推介, 好食在那,跟其他菜式有何分別.....
(我們三個真是非一般的問題美女啊!)
但工作人員都保持笑容地細心回應
看見我們進食速度不及上菜
又主動提出減慢上菜時間以免後來的放涼了影響口味
差點以為自己去了那間五星酒店進餐呢!
說實在我真的找不出可挑剔的地方
咁好0既服務態度可以係邊度搵?
連最有要求的美女主席都讓著要填意見卡好好鼓勵一下
再番0黎講食物先這是手撕豬肉迷你漢堡
鬆軟麵包夾著椰菜絲沙律、炸洋蔥圈及主角手撕豬肉
手撕豬肉是調了味的....鹹鹹香香
配上脆炸洋蔥圈的香脆口感
一個小小的漢堡三個人分實在不夠滿足
但又想試不同款式
立即加點了.....
.....The Fat Pig 熱狗相比起來，我的舌頭還是投了迷你漢堡一票
芥辣下是酸味味的像是豆蓉又像沙律的醬料
我們還選配了芝士碎
但我好像忘了芝士的味道
下面就係熱狗的主角豬肉腸
是很英式的豬肉腸
質感是鬆鬆散散的
第一口吃下時還以為是豬肝
但這店沒有內臟在賣吧
以三層食物格造型上枱的豬仔义燒包這三隻小豬走的應該是粗獷路線吧
其中一隻還燙傷了面珠仔
外型比味道更勝一籌
身位食香港點心大的我
這义燒包搓麵皮技術的確有待改善
離開餐廳時有幸看見師傅仔用插電蒸籠蒸豬仔
更了解到豬仔面起豆皮的主因是因為倒汗水了
“豬仔，別傷心吧！雖然唔夠我靚仔”
這是我堅持叫的椰菜絲沙律這份堅持源自於小時候很愛吃炸雞爺爺的同款沙律
後來不知原因沒有再出售了
令人懷念至今！
看到menu有同類型沙律不禁想叫來懷勉一下
果然味道把小時候的回憶都帶了回來
雖然小小一碟索價$40
畢竟環境同時光也不同了
係時候進入主菜了這白汁煙肉意大利粉真的很香濃惹味
看似沒有白汁應有的creamy感
但芝士的濃及煙肉的香
已教人一口接一口的吃不停
內裡的煙肉吃得出豬肉經煙燻後的天然豬肉香氣
絕非一般人造味煙肉能比
嚟到食豬專門店第二個main就叫了五花腩配全籽芥末薯蓉
五花腩配以鼠尾草及蘋果燒汁烤焗而成
燒汁香香甜甜，以鼠尾草同蘋果解了五花腩的肥膩感
確實係一個完美的中西合璧好見證
亦令我體會到靚仔廚師的創造力！
這菜式跟我們的梅菜扣肉確有幾分異曲同工之妙！
很想要碗白飯呢
這全籽芥末薯蓉雖然是配菜但全籽芥末的確起了很好的化學作用
把整個薯蓉變得清爽起來
加配著甜甜的蘋果燒汁
一不留神就把對脂肪的介心完全放下了！
你說誰可抗拒那肥瘦分明，水嬾嬾的肉質呢看來我的體重要為他斷送了！
在煩惱要挑選那個甜品作完美句號的時候朋友們早為我預備的生日驚喜就上場了
這個hazelnut opera cake很好味呢！
係撐著肚皮的情況下我地三個也要把他超額完成！
謝謝您多年來的包容及愛護
真心希望往後的每一個重要日子仍有您在
I love you all....
P. S. 如果你同我一樣都係一個飲水怪魔，請別錯過店家的$5有氣鑛泉水任飲優惠！無錯，$5喝到飽！可惜去到晚餐好後期才發現，要不然我早就喝到餐廳缺水了！（我是個要喝很多水的女生啊！）最後我也喝了兩支才依依不捨的離開呢.....
THE FAT PIG
銅鑼灣勿地臣街1號時代廣場11樓1105號舖
Shop 1105,
11/F, Times Square,1 Matheson Street, Causeway Bay
Post
