茶墨 (Closed)

唔知大家覺唔覺得喺條街度要等朋友或者要Hea時間嘅時候真係唔知去邊好，尤其是喺尖沙咀，周圍都好多人啲商場又冇座位可以坐🥹 呢日同朋友睇完戲，約咗人夜晚食飯之間有空檔，喺The One見到呢間茶飲店，裝修有少少日系，最好就係買杯嘢飲都有位坐！！所以我哋就喺度坐吓傾吓計先⋯⋯見到店內有幾幅掛畫圖片，係主打水墨風飲品🖤 我記得有個好鍾意黑芝麻嘅朋友，成日都提及呢間鋪話黑芝麻奶好好飲😆😆不過我自己麻麻哋黑芝麻或者麻薯，所以就叫咗杯焦糖芝士濃香鐵觀音茶🧋呢度嘅奶蓋好特別，芝士味好濃之餘仲有陣陣嘅焦糖香味～😳 同坊間一般嘅奶蓋好唔同，幾特別！另外呢度仲有低脂意大利雪糕，見到又口痕想食返杯🥹 仲要係低脂，食咗先算啦！我本身都好鍾意食GELATO🍨 但係出面食通常都係一啲比較奶味同好甜嘅口味～ 呢度難得有茶味嘅GELATO，所以一睇到就揀咗鐵觀音味喇！☺️