麥當勞

Open Now

Now Closed

突然要開OT，成9:00先收得工，咩心情都無晒，又唔想同老公出去食，唯有買個麥記返屋企。最近新推出左個 The Signature Collection。一睇，嘩。。原來價錢都唔平，但就標榜用100% 特厚130g安格斯牛肉‎。泰脆洋蔥安格斯餐 $37.8漢堡包餡料有洋蔥、忌廉芝士醬、肉汁醬、生菜絲、Emmental 芝士同煎蛋 (可以揀煎蛋或炒蛋)。安格斯牛肉真係好厚身，但牛肉味唔算濃，而且唔覺得特別 juicy 。餡料多，加埋其他材料一齊食，口感好豐富。芝味蘑菇安格斯餐 $37.8漢堡包餡料有車打芝士、白芝士醬、生菜同蘑菇。醬汁味道酸酸地，蘑菇味俾醬汁嘅味道蓋過晒，安格斯牛肉味道同樣唔算濃，而且唔覺得特別 juicy。 原來而家薯條轉粟米唔使加錢如果兩款比較，個人覺得泰脆洋蔥安格斯比較好食，因為芝味蘑菇安格斯個醬汁太濃。