Video
Read full review
2016-05-29
1889 views
呢期除左喜歡食燒肉就是喜歡食泰國菜, 因為泰菜既元素係會用上好多海鮮, 作為一個海鮮控, 更係一個超級蝦控, 屋企附近既泰國菜已經滿足唔到我了, 由九龍城轉移戰地到尖沙咀, 慕求可以食到更多更好食既泰國菜, 而早前見友人係FB放毒, 查詢下得知尖沙咀有間新派泰國菜, 我當然要到此一遊啦!! 餐廳裝修走簡樸舒適風格, 以棕色為主色調, 簡單中同時擺放了不少泰國小擺設, 突顯平凡中既不平凡!! 一入門口其實最搶眼既係呢個海鮮吧!! 而呢個海鮮吧放了滿滿不同既海鮮, 有大大隻既蝦, 不同種類既魚, 扇貝, 聖子等, 望落好新鮮同美味~~還放了很多不同種類串燒出來給客人挑選~~ 旁邊仲有個小型酒架, 因為好多人都喜歡食海鮮時開返支酒飲, 很貼心呀~~ 呢度既泰國菜真的跟傳統的不同, 單看餐牌已經流晒口水, 精美既相加上甘多既選擇, 其實未食已經先興奮~~ 泰式生蝦刺身 HK$128呢盤生蝦刺身賣相比傳統的精緻, 採用SHOT杯盛載, 蝦肉好鮮甜同結實爽彈, 配以酸酸辣辣既秘製泰式香草汁黎食, 感覺幾惹味同開胃, 加上友人知我係一個超級蝦控, 將自己個份都比埋我, 滋
呢期除左喜歡食燒肉就是喜歡食泰國菜, 因為泰菜既元素係會用上好多海鮮, 作為一個海鮮控, 更係一個超級蝦控, 屋企附近既泰國菜已經滿足唔到我了, 由九龍城轉移戰地到尖沙咀, 慕求可以食到更多更好食既泰國菜, 而早前見友人係FB放毒, 查詢下得知尖沙咀有間新派泰國菜, 我當然要到此一遊啦!!
餐廳裝修走簡樸舒適風格, 以棕色為主色調, 簡單中同時擺放了不少泰國小擺設, 突顯平凡中既不平凡!!
一入門口其實最搶眼既係呢個海鮮吧!! 而呢個海鮮吧放了滿滿不同既海鮮, 有大大隻既蝦, 不同種類既魚, 扇貝, 聖子等, 望落好新鮮同美味~~
還放了很多不同種類串燒出來給客人挑選~~
旁邊仲有個小型酒架, 因為好多人都喜歡食海鮮時開返支酒飲, 很貼心呀~~
呢度既泰國菜真的跟傳統的不同, 單看餐牌已經流晒口水, 精美既相加上甘多既選擇, 其實未食已經先興奮~~
泰式生蝦刺身
$128
25 views
0 likes
0 comments
泰式生蝦刺身
$128
25 views
0 likes
0 comments
呢盤生蝦刺身賣相比傳統的精緻, 採用SHOT杯盛載, 蝦肉好鮮甜同結實爽彈, 配以酸酸辣辣既秘製泰式香草汁黎食, 感覺幾惹味同開胃, 加上友人知我係一個超級蝦控, 將自己個份都比埋我, 滋味倍增呀~~
燒遙海中寶 (冷盤)
18 views
0 likes
0 comments
呢個海鮮盤真係夠晒大堆頭呀!!足夠4-5個人食呀!! 有大蝦, 聖子, 扇貝, 青口, 螺, 魷魚同半熟蛋, 面頭還舖滿了秘製泰式香草汁, 我已經急不及待了......
燒遙海中寶 (冷盤)
27 views
0 likes
0 comments
大蝦: 有成隻手掌之大, 肉質結實, 食落啖啖肉
扇貝: 同樣都好大隻呀, 夠晒鮮味
半熟蛋: 我個人幾喜歡食半熟蛋或溏心蛋, 喜歡流心既蛋黃, 好Creamy, 感覺又好新鮮
由於面層舖滿了秘製泰式香草汁, 所以所有海鮮都帶小小微辣, 但又唔會蓋過晒海鮮既原有鮮味, 反而更加惹味, 令味道層次更升華, 正~~
燒遙海中寶 (冷盤)
13 views
0 likes
0 comments
泰式海鹽燒原隻虎蝦
21 views
0 likes
0 comments
我都發現自己真係一個蝦痴, 辛苦晒d飯腳陪我食蝦蝦蝦又係蝦!! 哈哈~
呢碟係用海鹽燒既, 所以食落除左有蝦肉既鮮味, 還有鹹香味, 唔洗再點其他醬料黎調味已經超級惹味!!
泰式香茅爆炸雞
$128
26 views
0 likes
0 comments
泰式香茅爆炸雞
$128
38 views
0 likes
0 comments
除左海鮮都要食下其他野黎平衡下, 呢碟炸雞賣相有點不討好, 雞塊被一大堆辣椒, 乾蒜片同香茅堆住, 而且雞塊又炸到燒焦甘, 但原來食落皮脆肉嫩, 又夠入味, 鹹鹹地辣辣地, 香口惹味, 食過返尋味呀~~
椰汁木薯糖水
$20
36 views
0 likes
0 comments
最後食埋個甜品, 呢個糖水非常足料, 木薯又夠軟同腍, 質感同口感都唔錯, 椰奶味又夠濃同香, 食完簡直係大大滿足呀!!~~ 為今晩畫上完美既句號!!
椰青
$38
19 views
0 likes
0 comments
食泰國菜還是喜歡叫個椰青伴食, 因泰國菜都係酸酸辣辣的, 飲住個清甜既椰青伴食, 又解辣又涼快, 只係呢度既椰青既椰水比較少, 而椰肉可能太老, 所以挖不出~~
Post
