中華小廚 (Closed)

夜晚六點幾，老友先話一齊食飯。是晚母親節，周圍D餐廳都排曬隊，唯有去寶盈花園樓下既中華小廚，都仲有三四張吉臺。入到去侍應阿姐安排我地坐係一張剛埋單未執好既臺，阿姐執臺好慢，抹臺又好乸西。不過知佢地做左成日好辛苦都由佢。叫阿姐落單，又話冇落單機，等左一陣先有第二個阿姐來落單，由於太肚餓，好快點左三個餸一個炒飯，上菜都好快，不過D味道認真一般，蒜香骨好乾。炒飯好淋，蛋白好大舊，瑶柱係細細粒既元貝干。蝦干雜菌浸菜心，D菜心好淋，雜菌冇乜味。唯一正常D係回鍋肉，用椰菜辣椒炒，有D鑊氣。唔知係咪母親節太多人，廚房失準？！