Video
Read full review
2018-08-01
43 views
探訪住將軍澳嘅朋友，作為春夏秋冬都會打邊爐嘅吃貨，佢就帶我嚟到呢間主打即叫即煮嘅餐廳。要搵好嘢食果然係要捐窿捐啦，論地點，即使係近將軍澳地鐵站，帝景灣商場呢個位都唔係咁容易搵到。朋友收工收得晏，嚟到已經係八點半嘅時間，雖然係平日夜晚，地點又比較隔涉，餐廳都坐滿左一半。嚟到坐低未叫嘢食，枱上面已經準備咗醬料，收費係每人$10朋友做中醫，今次就試吓比較養生嘅黃金雞湯，半隻盛惠$188。睇落價錢係偏貴，但係平時出面食雞煲都要咁上下，呢度有埋花膠同蟲草花，其實計返條數性價比都高。好快職員就嚟到幫手炒香蒜頭同埋姜。值得一提嘅係用生鐵鑊炒，加上雞預先調味，炒起上嚟都好香噴噴。其實用生鐵鑊打邊爐都係第一次，確實係呢一度嘅賣點。雞肉炒到差唔多熟之後，就加入左鮮雞湯。侍應特別提醒我哋一定要飲咗湯同埋試一舊雞，先開始落料打邊爐。雞湯聞落已經覺得好香，再加上爆香左嘅雞滾一滾，入口係好濃郁嘅雞湯味。如果唔係要用湯底打邊爐，一定會先飲一大碗！ 火鍋配料嘅質素都好高。日本黑豚五花腩$98，可以見到佢肥瘦均勻，切得夠薄，食落好有肉香又香嫩， 只差少少就有入口即溶嘅感覺。本身我哋叫咗$45嘅鯇魚腩，侍應推介我哋食是日
朋友收工收得晏，嚟到已經係八點半嘅時間，雖然係平日夜晚，地點又比較隔涉，餐廳都坐滿左一半。
嚟到坐低未叫嘢食，枱上面已經準備咗醬料，收費係每人$10
朋友做中醫，今次就試吓比較養生嘅黃金雞湯，半隻盛惠$188。睇落價錢係偏貴，但係平時出面食雞煲都要咁上下，呢度有埋花膠同蟲草花，其實計返條數性價比都高。
好快職員就嚟到幫手炒香蒜頭同埋姜。值得一提嘅係用生鐵鑊炒，加上雞預先調味，炒起上嚟都好香噴噴。
其實用生鐵鑊打邊爐都係第一次，確實係呢一度嘅賣點。
雞肉炒到差唔多熟之後，就加入左鮮雞湯。
侍應特別提醒我哋一定要飲咗湯同埋試一舊雞，先開始落料打邊爐。雞湯聞落已經覺得好香，再加上爆香左嘅雞滾一滾，入口係好濃郁嘅雞湯味。如果唔係要用湯底打邊爐，一定會先飲一大碗！
火鍋配料嘅質素都好高。日本黑豚五花腩$98，可以見到佢肥瘦均勻，切得夠薄，食落好有肉香又香嫩， 只差少少就有入口即溶嘅感覺。
本身我哋叫咗$45嘅鯇魚腩，侍應推介我哋食是日高質嘅脆鯇片，雖然係$68，但果然係冇介紹錯！有時候唔小心煮耐左，都仍然爽脆彈牙，魚皮亦都係非常之爽脆，咬嘅時候係聽得出嘅脆，食完令人念念不忘！
萵筍都係打邊爐唔錯嘅選擇。煮耐啲可以吸晒啲湯汁，同雞湯亦都非常之夾。
鮮腐竹幼滑又充滿豆香。
蘿蔔配雞湯同樣係健康又好味嘅選擇。
至於豬紅嘅份量冇諗過係咁多，最後食唔晒😂
湯底實在太出色，所以都令到其他食材增添鮮味。除咗地點比較唔就腳之外，基本上係無可挑剔嘅一餐火鍋，超滿足的
Post
