漁之部屋 (Closed)

       新都城本來都有好幾間壽司刺身店，但市場現實，汰弱留強。啱啱結業嘅壽司舖，轉眼裝修完又開日式食肆，仲要係將軍澳從未開過嘅日式放題。一見有魚生任食，梗係去試吓佢實力。         放題於唔同時段收費略有不同，但段段時間都人頭湧湧。餐廳裝修簡約乾淨光猛，以木色做主調。放題食物選擇頗多，啲點菜紙都有十幾項。😳       刺身併盤一坐低梗係嗌刺身先，上枱時眼前一亮，新鮮刺身砌滿獎盃型器皿，裏面舖滿碎雪保持溫度，所有刺身夠凍夠新鮮，連食三盤都係保持水準。      而且放題包括冷熱SAKE,香醇易入喉，配搭嚟食魚生真係最高享受😋     魚生得之外，燒物天婦羅前菜都係水準以上，當中燒澳洲和牛壽司尤其出色，油脂豐富入口即溶，香味媲美頂級西冷，薄薄一片做壽司，絶！              除咗冷熱食品多選擇，仲有雪糕批做甜品。雖然放題時限兩小時，但伙記上菜快捷，全晚無冷場，SAKE魚生枝豆從未間斷，食得盡興，慶幸將軍澳又多一個優質蒲點。