Video
Read full review
2019-04-21
502 views
簡單一句：比上不足但比下有餘。講左好既地方先，作為一間Steak house黎講，佢個自助沙律吧同埋甜品吧叫做一個不錯既特色，款式都唔算少；另外上菜速度都算快，服務態度都算好既。個人覺得個蘑菇湯係好飲既。到衰個部份，我由頭盤食到甜品，普遍食物既味道真心唔太得。先講下個沙律吧，沙律吧既頭盤算係今多個部份之中做得最好個part，普遍既頭盤都可以既，但佢有個凍日式芝麻豆腐，外觀真係麻麻，而且味道好淡…由於佢係一大盤豆腐放出黎比人自己，所以d豆腐比人到碎哂，而且仲放得太耐放到出哂水。出水e個問題我唔怪佢，但下次能否考慮改為切左片先上碟呢？今做起碼d人會易攞到，比較冇今易整碎哂d豆腐。講完頭盤到講主菜，老實說真係失望既。我食左個一塊薄西冷牛扒，同行既人食左一隻燒德國豬手，同埋一塊豬柳扒。味道方面真係一般，塊豬柳扒算係3個主菜入面最好既一個，唯獨個人覺得塊扒肥糕多左d；至於個燒德國豬手燒得個面太乾，乾到面到個層皮同肉都硬到食唔到；塊西冷問題最為嚴重，鬆肉粉放太多，塊扒面頭d肉比鬆肉粉醃到梅哂，食落仲有種苦味。甜品方面又係另一個失望點，款式唔多，個樣睇落ok，但食落味道一般，佢個泡芙放左出室溫太
講左好既地方先，作為一間Steak house黎講，佢個自助沙律吧同埋甜品吧叫做一個不錯既特色，款式都唔算少；另外上菜速度都算快，服務態度都算好既。個人覺得個蘑菇湯係好飲既。到衰個部份，我由頭盤食到甜品，普遍食物既味道真心唔太得。
先講下個沙律吧，沙律吧既頭盤算係今多個部份之中做得最好個part，普遍既頭盤都可以既，但佢有個凍日式芝麻豆腐，外觀真係麻麻，而且味道好淡…由於佢係一大盤豆腐放出黎比人自己，所以d豆腐比人到碎哂，而且仲放得太耐放到出哂水。出水e個問題我唔怪佢，但下次能否考慮改為切左片先上碟呢？今做起碼d人會易攞到，比較冇今易整碎哂d豆腐。
講完頭盤到講主菜，老實說真係失望既。我食左個一塊薄西冷牛扒，同行既人食左一隻燒德國豬手，同埋一塊豬柳扒。味道方面真係一般，塊豬柳扒算係3個主菜入面最好既一個，唯獨個人覺得塊扒肥糕多左d；至於個燒德國豬手燒得個面太乾，乾到面到個層皮同肉都硬到食唔到；塊西冷問題最為嚴重，鬆肉粉放太多，塊扒面頭d肉比鬆肉粉醃到梅哂，食落仲有種苦味。
甜品方面又係另一個失望點，款式唔多，個樣睇落ok，但食落味道一般，佢個泡芙放左出室溫太耐，一攞上黎就成個扁哂；個芒果布丁只係一個係原味布丁上面茶左d芒果味既糖漿，除此之外就什麼都沒有既布丁；個芝麻糊…好淡；最後今多個甜品入面係得個麵包布丁好食。
餐飲嘛…個侍應幫我地落餐飲個時，主動同我講會送2杯果茶左個“果茶”，後來我收到既係一杯“熱檸茶”…抱歉，e方面係我諗多左，我唔會怪佢，但當我再問佢係咪仲有餐飲個時，佢同我講要加8蚊…其實我想話既然係今點解杯餐飲會由你幫我決定呢？不過好彩係飲e杯野既個兩位唔介意就有得佢…
整體而言，失望位多。如果想食質量，甘唔多價錢既話，我還是建議落樓下食露比星期二。
Post