Video
Read full review
2020-10-29
1178 views
今次同埋3名朋友去將軍澳中心牛氣到食晚餐，因為臨時約嘅關係，所以都無打電話去book位，但一去到接待姐姐就非常有禮貌問我地人數，揀要咩湯底，仲好親切帶我地去用餐桌到，雖然大家都帶住口罩，但都感受得到接待姐姐由心而發嘅五星級服務。店內環境非常乾淨，就連用餐桌一絲嘅污垢都無，呢點值得一讚。出面擺放嘅自助區食物都會有蓋去蓋實，確保食物安全。而自助區種類繁多，見職員一見到啲食物去得七七八八，就立即去準備refill，令客人唔需要等待自己心儀嘅食物。職員亦都好有禮貌會主動走埋黎問我地啲食物如何，亦都會盡快收拾好用餐桌上多出嚟嘅碟。當日我地係食M5和牛餐，啲牛對得住「牛氣」呢個名，唔會雪到硬崩崩，確保顧客能夠立即淥落去食，職員亦會耐心教我地啲食材淥幾耐先最鮮最好味。而另一驚喜嘅位就係佢地「牛氣」嘅咖喱牛腩飯，飯與飯之間粒粒分明，咖哩嘅味道恰到好處，牛腩亦做到入口即化嘅口感。估唔到一間專營日本火鍋嘅餐廳，可以連啲細節位都處理得咁好咁細緻，完全顛覆咗我對火鍋嘅體驗。出街食飯，我最著重就係用餐體驗，職員嘅態度、食物嘅質素、環境嘅氛圍等等，而將軍澳中心呢間牛氣確實是對上述呢3樣點拿捏得恰到好處，職員親切友
店內環境非常乾淨，就連用餐桌一絲嘅污垢都無，呢點值得一讚。出面擺放嘅自助區食物都會有蓋去蓋實，確保食物安全。而自助區種類繁多，見職員一見到啲食物去得七七八八，就立即去準備refill，令客人唔需要等待自己心儀嘅食物。職員亦都好有禮貌會主動走埋黎問我地啲食物如何，亦都會盡快收拾好用餐桌上多出嚟嘅碟。
當日我地係食M5和牛餐，啲牛對得住「牛氣」呢個名，唔會雪到硬崩崩，確保顧客能夠立即淥落去食，職員亦會耐心教我地啲食材淥幾耐先最鮮最好味。而另一驚喜嘅位就係佢地「牛氣」嘅咖喱牛腩飯，飯與飯之間粒粒分明，咖哩嘅味道恰到好處，牛腩亦做到入口即化嘅口感。估唔到一間專營日本火鍋嘅餐廳，可以連啲細節位都處理得咁好咁細緻，完全顛覆咗我對火鍋嘅體驗。
出街食飯，我最著重就係用餐體驗，職員嘅態度、食物嘅質素、環境嘅氛圍等等，而將軍澳中心呢間牛氣確實是對上述呢3樣點拿捏得恰到好處，職員親切友善嘅待客之道，食物從高檔到平民嘅食材都絕無欺場，環境亦因為職員嘅工作態度而令到無比舒服，喺多方面上絕對係業界內首屈一指。
42 views
0 likes
0 comments
Post
